اسلام آباد۔ 03مارچ (اے پی پی) مسلم لیگ (ن) نا باسک قومی اسمبلی محمد نذیر خان پارینے کہ فاٹا ئِ خیبر پختونخوا ٹی ضم کننگ نا فیصلہ وزیراعظم محمد نواز شریف نا دوراٹی کننگا دلیرانہ فیصلہ اسے ۔ ریڈیو پاکستان تون ہیت وگپ کرسا اوپارے کہ فاٹا ئِ خیبر پختونخوا ٹی ضم کننگ نا فیصلہ 14اگست نا فیصلہ آنبار نا یات گار دے ئِ و داہیت انا کریڈٹ وزیراعظم ئِ کائک انتئے کہ ہر مشکل فیصلہ اونا ہی دور اٹی کننگانے۔ نذیر خان پارے کہ فاٹا نا الس دا دلیرانہ فیصلہ غا وزیراعظم ئِ خراج تحسین پیش کیک۔ اوپارے کہ خیبر پختونخوا نا باسک قومی اسمبلی و سینیٹر جنرل (ر) عبدالقادر بلوچ نا آفس اٹی تولسا شش اہم ٹک آتیا خیال آتا درشانی ئِ کریر اوکان پد دا ہیت انا فیصلہ کننگاکہ فاٹائِ پنچ سال انا تہٹی خیبر پختونخوا ٹی ضم کننگک و دادور انا تہٹی فاٹا ٹی شونداری اسکیم تیا کاریم کننگک ہراٹی اسکول و ہسپتال کون آ کاریمک اوار ئُ۔

متعلقہ مضامینمصنف کی طرف سے مزید