این ایچ اے بلیک لسٹ مروک آ کمپنی تے پوسکن آ پن اٹ رجسٹرڈ کپک
اسلام آباد۔ 03مارچ (اے پی پی) بنجائی وزیر پارلیمانی امور شیخ آفتاب احمد پارینے کہ این ایچ اے بلیک لسٹ مروک آ کمپنی تے پوسکن آپن اٹ رجسٹرڈ کپک، داوخت اسکان پاکستان انجینئرنگ کونسل ہچ ئُ فرم بلیک لسٹ اس کتنے۔ جمعہ آ ایوان بالا نا دیوان اٹی وقفہ سوج آتیٹی سینیٹر طلحہ محمود نا سوج انا ورندی ٹی بنجائی وزیر شیخ آفتاب احمد پارے کہ این ایچ اے آن بلیک لسٹ مروک آ فرم ، کمپنی و کنٹریکٹر آتے پوسکن آ پن اٹ رجسٹرڈ کننگ تنے۔ داوخت انا چیئرمین این ایچ اے نا ایمانداری آ ہچ گہس دوہرفنگ کپک۔ شاہراہ تا معیار جہانی کہول آمریک۔ نن اونا معیار آن است جم اُن۔ موٹروے 15سال پد جوڑ جاڑ کننگا ولے اونا حالیت داوخت آ ہم گچین ئس۔ فرحت اللہ بابر نا سوج انا ورندی ٹی اوپارے کہ داوخت اسکان پی ای سی ہچ ئُ فرم اس بلیک لسٹ کتنے۔ شیخ آفتاب احمد پارے کہ ساڑی دورحکومت اٹی قومی شاہراہ تا خیالداری آ این ایچ اے 4کروڑ 12لکھ 78ہزار روپئی خڑچ کرینے۔
