کھد آ سبسڈی نا حکومتی پروگرام ئِ بھاز پذیرائی ملا، کشاری مشینری و ازباب آتیا کسٹم ڈیوٹی ئِ 5 درسد آن کم کرسا 2 درسد کننگانے
اسلام آباد۔ 03مارچ (اے پی پی) ایوان بالا ئِ پاننگانے کہ کھد آ سبسڈی نا حکومتی پروگرام ئِ بھاز پذیرائی ملانے، حکومت بیرہ کھد آتیا نغد سبسڈی فراوان کننگ ئِ ، کشاری مشینری و ازباب آتیا کسٹم ڈیوٹی ئِ 5درسد آن کم کرسا 2درسد کننگانے۔ جمعہ آ ایوان بالا نا دیوان اٹی وقفہ سوج آتیٹی سینیٹر طلحہ محمود نا سوج انا ورندی ٹی بنجائی وزیر قومی فوڈ سیکورٹی و ریسرچ سکندرحیات بوسن پارے کہ حکومت بیرہ کھد آتیا نغد سبسڈی فراوان کننگ ئِ۔ حکومت درآمدی مشینری و سازوسامان تا سپلائی آ سیل خراج ئِ 17 درسد آن کم کرسا 7 درسد کرینے وخت اس کہ کشاری مشینری و ازباب آتیا کسٹم ڈیوٹی ئِ 5 درسد آن کم کرسا 2 درسد کننگا۔ سینیٹر محسن لغاری نا سوج انا ورندی ٹی سکندرحیات بوسن پارے کہ کھد آسبسڈی نا پروگرام ئِ ملک اٹی بھاز پذیرائی ملا۔ خیبر پختونخوا نا حکومت دا اسکیم نا بشخ جوڑ مننگ آن نہ من مسنے۔
