اسلام آباد ۔ 2 ستمبر (اے پی پی) مزن وزیر عمران خان ءَ گوشت کہ حکومت ءِ اولی ترجی انت کہ سبسڈیز ءِ نظام ءَ را مھکم ءُ جوان جوڑ کنگ بہ بیت تانکہ سرکاری ھزانگ ءَ چہ داتگیں کمک نا ایوک ءَ بزگ آناں بہ رس ایت بلکینگ ءَ لوٹ بوتگیں نتیجگ در جنگ بہ بنت، نظام ءِ تہ ءَ گہتری ءِ واستہ ھمک کوشست کنگ بہ بیت تانکہ اے ھوالگ ءَ السی سیت ءِ پیسلہ ءَ زوران ءَ پکوئی کنگ بہ بیت۔ آ چار شمبے ءَ ادا حکومتی سبسڈیز آناں نظام ءَ را پکو ءُ برجم جوڑ کنگ ءِ ھوالگ ءَ دیوان ءِ سروکی ءَ کنگ ءَ ات۔ دیوان ءَ وزیر ءِ اھوالکاری سینیٹر شبلی فراز، وزیر ءِ صنعت محمد حماد اظہر، مشیر ھزانگ ڈاکٹر عبدالحفیظ شیخ، مشیر برائے ادارگ آنی گہتری کار ڈاکٹر عشرت حسین، ھاسیں کمکار ڈاکٹر شہباز گل، ھاسیں کمکار ڈاکٹر ثانیہ نشتر، سیکرٹری ھزانگ نوید کامران، پیسرگیں سیکرٹری ھزانگ ڈاکٹر وقار مسعود ءُ ایندگر کلانہ ایں اپسرگ شریک اتنت۔ پیسریگیں وزیر ءِ ھزانگ شوکت ترین، چئیرمین حبیب بنک سلطان علی الانہ، عارف حبیب ءُ ڈاکٹر اعجاز نبی ھم ویڈیو لنک ءِ وسیلگ ءَ دیوان ءَ بھر زوری کنگ ءَ ات۔ مزن وزیر کارگس ءِ میڈیا ونگ ءِ رد ءَ مزن وزیر ءَ را حکومت ءِ نیمگ ءَ جتا جتائیں شوبگ آناں یک شل ءَ وت چپ ءُ چوٹی ءَ گوں داتگیں سبسڈیز، ان سبسڈیز آنی رد ءَ بوھوکیں ھرچ ءُ درچ، استیں سبسڈیز آنی نظام ءِ تہ ءَ ھرابی ءُ سبسڈی ءِ نظام ءَ را گیش برجم جوڑ کنگ ءِ ھوالگ ءَ استیں تھنک ٹینک ءِ نیمگ ءَ انوگ ءَ تاں بوھوکیں دیمروئی گامگیج آنی بابت ءَ بریفنگ دیگ بوت۔
