اسلام آباد ۔ 2 ستمبر (اے پی پی) مزن وزیر عمران خان ءَ گوشت کہ اسیں حکومت ءِ ترجی کاروبار چست ءُ ایرا آنی دیمروئی ءُ ایشاناں آسراتی دیگ ءِ گوما ایشانی پینگ ءُ جیڈھ آناں ساپ کنگ ءُ کاروبار ءِ واستہ جوانیں جاور پجارینگ انت، کاروبار ءَ گوں بندوکیں ورنا آناں آسراتی پجاری کنگ بیت۔ اے ھیالانی درشانی آئی ءَ چار شمبے ءِ روچ ءَ جتا جتائیں شوبگ آں گوں سیادی داروکیں کامیات کاروبای بامرد آنی گوما تران کنان ءَ کت۔ گند ءُ نند ءَ بنجاھی وزیر اھوالکاری ءُ شنگ کاری سینیٹر شبلی فراز ، وزیر ءِ صنعت محمند حماد اظہر، شمیر تجارت عبدالرزاق دائود، مشیر ھزانگ ڈاکٹر عبدالحفیظ شیخ، شمیر ادارگ آنی گہتری کار ڈاکٹر عشرت حسین ، ھاسیں کمکار ڈاکٹر شہباز گل، شئیرمین سرمایہ کارری بورڈ عاطف بخاری ھم شریک ات۔ کامیات ءُ ورنا کاروباری بامرد آں گوں سیادی داروکیں آئی ٹی، سپورٹس گڈز، فیشن اینڈ ٹیکسٹائل ، بیوٹی انڈسٹری، پاک ویلز، ءُ ایندگر شوبگ آنی مردم ساڑی اتنت۔ مزن وزیر کارگس ءِ میڈیا ونگ ءِ رد ءَ ڈل ءَ وتی سیادی داروکیں شوبگ آنی کاروباری تجروبت، حکومت ءِ پالیشی آنی آسر ءُ کاروباری جاور آناں گیش گہتر کنگ ءِ ھوالگ ءَ جتا جتائیں شور ءُ مشور مزن وزیر ءَ را پیش کت۔
