اسلام آباد۔ 03مارچ (اے پی پی) پاکستان مسلم لیگ (ن) نا راہشون سینیٹر سردار یعقوب خان ناصر پارینے کہ حکومت فاٹا اصلاحات نا رداٹ فاٹا ئِ کے پی کے ٹی ضم کننگ نا درست ئُ فیصلہ اس کرینے۔ عمران خان ئِ بیان تننگ آن پد دے انا تدینگ انگ تون شرمندگی تون مون تروکی تمک۔ پی ایس ایل نا فائنل میچ لاہور اٹی اڈترفنگ نا فیصلہ درست ئِ، جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ بنجانا کنڈآن قبائلی علاقہ غاتے صوبہ کے پی کے ٹی ضم کننگ آن بیدس پین ہچ ئُ کسر اس ہلوکہ۔ بنجاکن ساڑی حالیت آتیٹی فاٹا ئِ چلیفنگ بھاز مشکل ئُ عمل اس ئس۔ ای تینٹ ہم بنجائی وزیر ریاستیں و سیمی امور مسونٹ پہہ مریوہ کہ فاٹااصلاحات نا رداٹ فاٹا ئِ کے پی کے ٹی ضم کننگ نا حکومت گچین ئُ فیصلہ اس کرے داڑآن فاٹا نا الس ئِ آسودہی وخت اس کہ فاٹاٹی شونداری و شونہالی بریک۔ اسہ سوج اسے نا ورندی ٹی اوپارے کہ پاکستان تحریک انصاف نا سروک عمران خان تینا تروک آ بیان آ دے انا تدینگ انگ تون اوار اوار تینٹ شرمندگی تون مون تروئی تمک۔ اونا لاہور اٹی پی ایس ایل نا فائنل نا بابت آن فائنل میچ ئِ کرفنگ درست اف۔
