اسلام آباد۔ 03مارچ (اے پی پی) گورنر پنجاب رفیق رجوانہ پارینے کہ فاٹا ئِ قومی دنگ اٹی اوار کننگ کن حکومت درست ئُ فیصلہ اس کرے۔ دافیصلہ غان فاٹا نا الس نا دیرینہ خواست پورو مس۔ پی ایس ایل نا فائنل میچ اکن غٹ بست و بند آک پورو ئُ۔ لاہور اتی میچ انا اڈتننگ نا فیصلہ آن الس نا ذہن ملنگانے و جشن منائفنگ ئُ۔ عمران خان کرکٹ نا چاہندار ئِ، فائنل ئِ ہُننگ کن ضرور لاہور آ بریک۔ جمعہ نا دے پارلیمنٹ ہاﺅس نا پیشن میڈیا تون ہیت وگپ کرسا او پارے کہ لاہور اٹی پی ایس ایل نا فائنل میچ ئِ ہُننگ کن کنے سلہ نامہ اس ملانے۔ میچ ئِ ہُننگ کن کاوہ دابابت آن غٹ بست و بند آتے پورو کننگانے۔ حکومت پی ایس ایل نا فائنل نا بابت دلیرانہ فیصلہ کرے۔ فیصلہ غان الس جشن منائفنگ ئِ وخت اس کہ الس ناجوزہ مثال اس تخک۔ گورنر پارے کہ فاٹا اصلاحات نا بابت غٹ اسٹیک ہولڈر آک امنائی فیصلہ کریر۔ حکومت نا دافیصلہ غا فاٹا نا طالب علم آتے چشن کرسا خناٹ بھاز خوشی مس۔ اوپارے کہ ملک شونداری نا کسر آ روان ئِ ۔ ای سی او کانفرنس اٹی ہمسایہ ملک آتا سروک آک بشخ ہلکر و ملک انا شونداری و شونہالی تون اوار امن و ایمنی نا حالیت آتیا است جمی نا درشانی ئِ کریر۔
