تہران۔ 01 ستمبر (اے پی پی) ایران نا صدر ڈاکٹر حسن روحانی پارینے کہ پڑوسی ملک آتون چندی بشخ خاص وڑاٹ واپاری و اقتصادی تعلقداری تا مون آ دننگ ایرانی اولیت آتیٹی اوار ءِ۔ ہمسایہ ملک آتون تعلقداری تا سوگوی نا وڑوڈول آتا جاچ ءِ ہلنگ کن تہران اٹی اسہ دیوان اس اڈ ہلک ہراڑآن تران کرسا صدر روحانی پارے کہ علاقہ نا قوم تا تاریخی و دودوبیدہ ئی بندھن، پڑوسی ملک آتا نیام اٹ کمکاری نا زیات آن زیات مون آ دننگ و علاقہ نا قوم و حکومت آتا اسیجائی فائدہ غاتا رکھ اکن اسہ سوگوبنداو ءِ۔ ڈاکٹر حسن روحانی پارے کہ ایران مدام ہمسایہ، سنگت و برادر ملک آتون مسنے و او ہمسایہ ملک آتون ہڑتوم آ کنڈآتا و علاقائی تعلقداری تا ودکی نا خیرمقدم ءِ کیک۔ اوعلاقہ ٹی اقتصادی ہم آہنگی ءِ امنو ایمنی نا رکھ اٹ معین و کمکار گوندا۔
