اسلام آباد۔ 03مارچ (اے پی پی) مسکوہی بنجائی وزیر سینیٹر مشاہداللہ خان پارینے کہ فاٹا اصلاحات آن شونداری و شونہالی نا پوسکن ئُ دور اس بناءکیک وخت اس کہ حکومت نا کنڈآن فاٹا اصلاحات نا عمل نا فاٹا نا الس خیر مقدم ئِ کرینے، عمران خان پیشن نا اشارہ غاتیا ملک اٹی پھسا ت ہُننگ خوائک، پی ایس ایل نا فائنل ئِ لاہور اٹی کرفنگ نا فیصلہ درست ئِ۔ جمعہ نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ فاٹا نا الس ئِ قومی دنگ اٹی اتنگ نا گرج ئس۔ اوپارے کہ فاٹا اصلاحات نا عمل ئِ فاٹا نا الس خوش آئندگوندانے، فاٹا نا انفراسٹرکچر بھا ز نزور ئس ، داسہ او زیبائی تون مون آ بریک۔ اوپارے کہ اصلاحات نا عمل آن فاتا ٹی سول ادارہ جوڑ مریک ہراڑآن شونداری و شونہالی نا پوسکن آ دور بناکیک۔ سینیٹر مشاہداللہ خان پارے کہ عمران خان نا برطانیہ ٹی ہنسا پالیسی بدلینگک۔ او پیشن نا اشارہ غاتیا ملک اٹی پھسات ہُننگ خوائک۔ اوپارے کہ وزیراعظم پاکستان و عمران خان ہڑتوم آ ک کرکٹ نا گوازی گر ئُ وخت اس کہ شیخ رشید کرکٹ نا ہروک آ ئِ۔ اودے تماشائی ہی سلوئی ئِ وخت اس کہ ایلو گوازی گرک اسہ ایلو تون گوازی کرسا کیرہ۔
