اسلام آباد۔02مارچ( اے پی پی) ملکئِ صدر ممنون حسین ئَ گشتگ کہ بازیں سالاں چہ دگنیائِ تہا بازیں مٹی ودی بوھگئَ اِنت کہ ایشیئِ نتیجگئَ کشمیر ءُ عرب دگنیا ئِ بازیں جیڑھ گیشءُ گیوار بیت۔ پنچ شمبے ئِ روچئَ ملک ئِ صدر ممنون حسین ئَ اردن ئِ راج دپتر زانت عمر محمد نزل ارمورثی ئَ گوں گندءُ نندئِ وھدئَ کتگ۔ عمر محمد نزل ارمورثی نامداریں راج دپتر زانت اِت ءُ 30کتاب آنی نبشتہ کار اِنت۔ صدر مملکت ئَ گشتگ کہ کشمیر ءُ فلسطین ئِ جیڑھ تاں ھما وھدئَ گیشءُ گیوار نہ بیت وھدے کہ آاُلسئِ واھشتانی ردئَ مہ بیت۔ ملک ئِ صدر ئَ گشتگ کہ کشمیرئِ جیڑھ چیریں نہ اِنت بلکیں پدرے جیڑھ اِت ءُ کشمیر کشمیر آنی اِنت ۔ آئی ئَ گیش گشتگ کہ بھارت ئَ دائم ئَ اے جیڑھ ئَ را گیشءُ گیوار کنگئِ بدل ئَ گیش ناگیگ کتگ ءُ کشمیر ی اُلس ئِ واھشت لگت مال کتگ اَنتءُ آئی ئَ را قبضہ کتگ۔ ملکئِ صدرئَ گشتگ کہ کشمیر ءُ فلسطین ئِ نہ تُرسیں اُلس آجوئی ئِ ھاترئَ جدوجہد کنگءَ اَنت۔ ملک ئِ صدر ئَ گشتگ کہ پاکستان کشمیر ءُ فلسطین ئِ اُلسئِ آجوئی ئِ ھاترئَ جدوجہد ئِ حمایتءَ کنت۔ آئی ئَ گشتگ کہ اے دوھیں جیڑھ بنی آدمی بنیادئَ پدر کنگئِ ضلورت اِنت ءُ میاں اوستمانی براتیءَ را ایشانی سرئَ دلگوشی کنگئِ ضلورت اِنت۔
