نئی دہلی۔ 26 اگست (اے پی پی) غیر کانودی وڑاٹ بھارت نا کوزہ ٹی جموں و کشمیر اٹ چین اتون سیمی بے چیٹی ٹی بھارت ہماچل پردیش نا علاقہ ڈارچا و لداخ ءِ ملفوک آ 290 کلومیٹر روڈ آ کاریم ءِ ترند کرینے۔ کشمیر میڈیا سروس نا رداٹ روڈ ءِ لداخ ڈیہہ نا سیمی علاقہ غاتیٹی ساڑی فوجی کیمپ آتا نیام اٹ رابطہ و فوجی و بھلا سلہہ غاتا نقل و حرکت کن اہم سرپند کننگ انگ ءِ۔ روڈ ءِ کرگل ڈیہہ تون رابطہ نا ہم اسہ اہم ءُ ذریعہ اس ہم سرپند کننگ انگ ءِ۔ دا سرینگر لہہ شاہراہ آن پد لداخ تون رابطہ نا ارٹ میکو کسرمریک۔ 5 مئی 2020آن چین و بھارت نا فوجیک لداخ اٹ جھیڑہ ئی پینگونگ جھیل، تبت نا وتواجہ علاقہ و سکم نا خڑک سیم تیا بے چیٹی، جھیڑہ و تصادم آتیٹی اختہ ءُ۔ داکان بیدس دے ٹکی لداخ اٹ لائن آف ایکچول کنٹرول آ ہم جھیڑہ مس۔ اینخو سال جون اٹی جھیڑہ ئی ہمالیائی ڈیہہ نا سیمی علاقہ ٹی چینی فوج اتون اسہ جھیڑہ اسے ٹی کم از کم 20 بھارتی فوجی زوال کریسر۔
