دیکی کنارہ و غزہ ٹی بگڑینگوک آ حالیت آک گڑتی نا سوب ءُ، فلسطین و اسرائیل نا راہشون تے دوریاستی ایسری کن سیاسی ایسر اس پٹوئی مریک، اقوام متحدہ سفیر دے ٹکی نیامی

اقوام متحدہ۔ 26 اگست (اے پی پی) دے ٹکی نیامی کن اقوام متحدہ نا امن عمل نا خصوصی کوارڈینیٹر نیکولے ملاڈینوف فلسطین نا دیکی کنارہ و غزہ ٹی بگڑینگوک آ حالیت آتیا گڑتی نا درشانی ءِ کرسا پارینے کہ ساڑی آ سلامتی حالیت آتا سوب آن غزہ ٹی غٹ عسکریت پسندانہ سرجزآتا چٹفنگ، فلسطین نا قومی سیوت نا بحالی و اسرائیلی بندش ءِ چٹفنگ اخلاقی وڑاٹ المی مسنے۔ میڈیا نا رداٹ تدوک آ دے دے ٹک نیامی کن اقوام متحدہ نا سفیر خبڑدار کرے کہ غزہ ٹی ساڑی حالیت آک بھاز خراب مسنو ہراشاید زوت ناقابل تنسیخ مریر۔ اوپارے کہ غزہ کن فلسطین اسرائیل نا دوریاستی ایسر دمدستی المی ءِ و ساڑی سلامتی حالیت آتا سوب آن غزہ ٹی غٹ عسکریت پسندانہ سرجزآتا چٹفنگ، فلسطین نا قومی سیوت نا بحالی و اسرائیلی بندش ءِ چٹفنگ اخلاقی وڑاٹ المی مسنے، ولے فلسطین و سرائیل نا راہشون تے دا ویل انا دمدستی ایسری کن سیاسی ایسر اس پٹوئی مریک دُن مف کہ غزہ نا 2 ملین بندغ نا زند و جنگ آن بچنگ کن پیچیدہ کاریم اٹ سال تیا سال لگے۔ اوپارے کہ اسرائیل نا دیکی کنارہ نا علاقہ غاتا الحاق نا دھڑکو آ فلسطینی اتھارٹی و اسرائیل نا نیام اٹ کمکاری نا مفننگ آن بنداوی پنجر نا اہم ڈٹ آتیا عملدرآمد ءِ ہم سست کرینے۔ و داڑآن ملازمت ءِ ہم نسخان رسینگانے۔ اوپارے کہ بیت المقدس تون اوار مقبوضہ دیکی کنارہ ٹی فلسطین و اسرائیل نا نیام اٹ بے چیٹی برجاءِ۔ کورونا تنکی ٹی دیکی کنارہ ٹی بیدادی نا ڈوہ تیٹی ودکی گڑتی نا سوب ءِ۔