اسلام آباد۔02مارچ( اے پی پی) دری کارانی صلہ کار ءُ فاٹا اصلاھات کمیٹی ئِ چیئرمین سرتاج عزیز ئَ گشتگ کہ فا ٹا ءِ اُلس آﺅکیں لس گچین کاری ئَ خیبرپختونخوا اسمبلی ئَ وتی نمائندگاں گچین کُت کن اَنت، ایف سی آر ئَ مھتل کنگءُ ایشی ئَ را رواج ایکٹ ئِ تہا مٹ کنگءُ دراھیں آئی ڈی پیز ئِ واتری گوازوکیں سال تاں 30اپریل ئَ سرجم کنگ بیت وھدے کہ تعمیر نو ئِ سُرپُر 2018ئَ سرجم بنت۔ گورنر خیبر پختونخوا ئِ سروکی فاٹا ئِ ھاترئَ 10سالی سماجی اقتصادی منصوبہ ئِ تیاری ئِ مول ءُ مراد ئَ گورنر خیبر پختونخوا ئِ سروکی ئَ زانتکارانی مزن تکئِ کمیٹی 30اپریل ئَ جوڑ کنگ بیت۔ پنچ شمبے ئِ روچئَ بنجاھی کابینہ ئِ نیمگءَ چہ فاٹا اصلاحات کمیٹی ئِ سفارشات ئِ اصولی منظوری دیئگ ئَ پد ھال در ئَ را بریفنگ داتگ ءُ دری کارانی صلہ کار ءُ فاٹا اصلاحات کمیٹی ئِ چیئرمین سرتاج عزیز ءَ گشتگ کہ فاٹا ءَ را را جی رپکئَ ھوار کنگئِ ھاترئَ مزن وزیر محمد نواز شریف ئَ نومبر2015ءَ سرتاج عزیز ئِ سروکی ئَ شش باسکی کمیٹی جوڑ کتگ۔ کمیٹی ئِ باسکاں گورنر خیبر پختونخوا ظفر اقبال جھگڑا، وزیر سرحدی امور عبدالقادر بلوچ، وزیر قانون و انصاف زاہد حامدءُ سیکرٹری سیفران محمد شہزاد ارباب ھوار اَنت۔
