بلوچ راج ٹوھیں راجدپتر ئُُ کلانئیں دود ئُُ ربیدگ ئِ واھُند اِنت، راج اِچبر دیمروئی کُت نہ کنت تاںوھد ئَ وتی دود ئُُ ربیدگ ئَ یات مدارایت،
کوئٹہ۔02مارچ(اے پی پی)صوبائی وزیر تہی کار میر سرفراز بگٹی ئَ گوشت کہ بلوچ راج یک ٹوھیں راجدپتر ئُُ کلانئیں دود ئُُ ربیدگ ئِ واھُند اِنت، مرچی بلوچستان ئَ ھوار سرجمیں ملک ئَ بلوچ کلچر ڈے جوزگ ئُُ واھگ ئَ گوں برجم دارگ بوھگ ئَ اِنت، آ راج اِچبر دیمروئی کُت نہ کنت تاں وھد ئَ آ وتی راج ئِ راجدپتر ئُُ دود ئُُ ربیدگ ئَ آشنا ئُُ سرپد مہ بیت۔ اے ھیالانی درشانی آئی ئَ بلوچ کلچر ڈے ئِ موہ ئَ میلینئم مال کوئٹہ ئَ برجم داشتگیں مراگش ئَ گوں گشتانک دیان ئَ کُت اَنت۔ تہی کارانی وزیر میر سرفراز بگٹی ئَ گوشت کہ بلوچ آنی راجدپتر ئَ مہمان داری، زالبول ئُُ زھگ آناں جنگ ئِ موہ ئَ شرپ ئُُ ازِت ئِ نگاہ ئَ چارگ بیت۔ نوں ما وتی گار کتگیں شرپ ئُُ اِزت واتر بُرز ئُُ بالا کنگی اِنت۔ میر سرفراز بگٹی ئَ گوشت کہ حکومت ئُُ کانود برجم داروکیں اِدرگ آنی گوما ھمگام بوھگ ئِ سبب ئَ بلوچستان ئَ ایمنی ئِ روچ چست بوتگ ئُُ پیسرگیں وھد ئِ رد ئَ صوبہ ئَ ایمنی ئِ برجائیئَ گیشی اتکگ۔
