بلوچ کوھنیں ئُُ ٹوھیں دود ئُُ ربیدگ ئِ وارِس اَنت، بلوچ کلچر ڈے ایمنی ئُُ دوستی ئُُ یکوئی ئِ کلوہ ئَ دنت
کوئٹہ۔02مارچ(اے پی پی)سر وزیر بلوچستان نواب ثناءاللہ خان زہری ئَ بلوچ کلچر ڈے ئِ موہ ئَ بلوچستان ئِ اُلس ئُُ سرجمیں ملک ئَ نندوکیں بلوچ آناں مبارک بات پیش کنان ئَ وتی شاتکامی کلوہ ئِ تہ ئَ آئی ئَ گوشت کہ دود ئُُ ربیدگ بلوچ راج ئِ کوھنیں ئُُ کلانئیں تہذیب ئَ سہرا کنت، ایشی ئَ چہ مئے پجار ھمک زمانگ ئَ نمیران گندگ ئَ کئیت۔ سروزیر بلوچستان نواب ثناہ اللہ خان زہری ئَ گوشت کہ دود ئُُ ربیدگ ھمک راج ئِ پجار اِنت۔ وھدیکہ بلوچ راج ئِ کلانئیں ئُُ ٹوھیں دود ئُُ ربیدگ آئی ئِ جتائی ئِ پجار اِنت ئُُ بلوچ کلچر ڈے ایمنی ئُُ راجی یکوئی ئِ کلوہ ئَ دنت۔
