واشنگٹن، ریوڈی جنیرو، نئی دہلی۔ 20 اگست (اے پی پی) مچ آ دنیا ٹی کورونا وائرس آن زہمی بندغ آتا کچ اِراکروڑ 25 لکھ 82 ہزار اسکان سرمسنے۔ دا ہلوک آ وائرس نا سوب آن داتم اسکان ہفت لکھ 91 ہزار آن زیات بندغ زوال کرینو۔ پنچ شنبے نادے آ امریکی میڈیا نا رداٹ دنیا نا چندی ملک آتیٹی کورونانا دین انا تالانی و مرک آتا کچ اٹ پدریسہ ودکی مننگ ءِ۔ مچ آ دنیا ٹی کورونا وائرس نا پک زہمی تا کچ 22582783 وخت اس کہ فعال زہمی تا کچ 6486719ءِ۔ چندی ملک آتیٹی داتم اسکان کورونا وائرس آن 791034بندغ زوال کرینو۔ امریکہ ٹی ہلوک آ کورونا وائرس آن زہمی بندغ آتا کچ 57 لکھ آن گدرینگانے وخت اس کہ مچ آ ملک اٹی وائرس نا سوب آن داتم اسکان اسہ لکھ 76 ہزار 337 بندغ زوال کرینو۔ ملک اٹی کورونا وائرس نا ناجوڑ آتا کچ 5700931اسکان سرمسنے۔ امریکی محکمہ جان جوڑی نا کمامدارآتا رداٹ ملک اٹی کوروناوائرس نا فعال زہمی تا کچ 2462263ءِ۔ امریکہ ٹی کوروناوائرس نا فعال زہمی تا کچ ودنگ ءِ۔ دا ہیت ذکرانا قابل ءِ کہ مچ آ دنیا ٹی امریکہ کوروناوائرس نا دین آن غٹ آن زیات زہمی ملک ءِ۔ کوروناوائرس آن امریکہ ٹی غٹ آن زیات زہمی ریاست کیرولینا کیلفورنیا ءِ ہراڑے داتم اسکان 640722 بندغ زہمی مسنو وخت اس کہ فلوریڈاٹی دا کچ 569331ءِ۔ کمامدارآتارداٹ نیویارک اٹی زہمی بندغ آتا کچ 426571اسکان سرمسنے۔ لاطینی امریکی ملک برازیل اٹی ہلوک آ کوروناوائرس آن زہمی بندغ آتا کچ 34 لکھ 60 ہزار آن گدرینگانے وخت اس کہ مچ آ ملک اٹی وائرس آن داتم اسکان اسہ لکھ 11 ہزار آن زیات بندغ زوال کرینو۔ برازیل اٹی تدوک آ 24 گھنٹہ ٹی کوروناوائرس نا ریکارڈ 49 ہزار آن زیات پوسکن ءُ کیس مون آ بسنے۔ برازیل اٹی داوخت آ کوروناوائرس نا 733970فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ ملک اٹی تدوک آ 24 گھنٹہ ٹی کوروناوائرس آن پین اسہ ہزار دوسد بندغ زوال کرینو۔ کمامدارآتارداٹ ملک اٹی کوروناوائرس آن زوال کروک آتا پک کچ 111189ءِ۔ برازیل کوروناوائرس نا ناجوڑ و زوال کروک آتا اعتبار اٹ دنیا نا ارٹ میکو غٹ آن زیات زہمی ملک ءِ۔ برازیل نا وزارت جان جوڑی نا رداٹ کوروناوائرس نا 49298پوسکن ءُ ناجوڑ مون آ بننگ آن پد زہمی تا جم کچ ودسا 346013 مسنے۔ داڑے بھارت اٹی ہلوک آ دین آن زہمی بندغ آتا کچ 28 لکھ 37 ہزار آن گدرینگانے وخت اس کہ مچ آ ملک اٹی وائرس آن داتم اسکان 54 ہزار بندغ زوال کرینو۔ ملک انا چندی ریاست آتیٹی تدوک آ 24 گھنٹہ ٹی کوروناوائرس نا ریکارڈ 70 ہزار آن زیات پوسکن ءُ کیس رپورٹ مسنے۔ کمامدارآتا پاننگ ءِ کہ داٹی مچ آ ملک اٹی کوروناوائرس آن پین 980 بندغ زوال کرینو۔ بھارت وزارت جان جوڑی نا حساب وکتاب نا رداٹ مچ آ ملک اٹی کوروناوائرس نا فعال کیس آتا کچ 6 لکھ 86 ہزار آن زیات ءِ۔ بھارت اٹی کوروناوائرس آن غٹ آن زیات زہمی ریاست مہاراشٹر ءِ ہراڑے کوروناوائرس نا جم کیس آتا کچ 6 لکھ 28 ہزار آن گدرینگانے، تدوک آ دے ریاست اٹ کورونادین آن پین 13 ہزار بندغ زہمی مسر۔ بھارت اٹی ریاست مہاراشٹرآن بیدس ہراایلو ریاست آک کورونا غان بھاز زہمی مسنو اوفتے ٹی تامل ناڈو، کرناٹک،آندھرااپردیش و اترپردیش اوار ءُ۔

متعلقہ مضامینمصنف کی طرف سے مزید