واشنگٹن ۔ 14 اگست (اے پی پی) امریکی وزیر ءِ درئی کار مائیک پومپیو ءَ پاکستان ءِ آجوئی ئِ روچ ئِ موہ ءَ پاکستانی الس ءَ را مبارک بات دیان ءَ گوشت کہ امریکہ پاکستان ءِ گوما وتی شریکداری ءَ را برجم دارگ ءَ سک باز منت وار انت۔ وتی کلوہ ءِ تہ ءَ آئی ءَ گوشت کہ امریکہ الس ءُ حکومت ءِ نیمگ ئَ پاکستان ءِ الس ءَ را مبارک بات دات ءُ وتی نیکیں واھگ آنی درشان ھم کت۔ آئی ءَ گوشت کہ گوستگیں 70 سال ءَ چہ گیش وھد ءُ پاس ءَ چہ دوئیں ملک آناں سک باز ارزشتی ایں ایشوز آنی سر ءَ یکجائی ءَ کار کتگ۔ آئی ءَ گوشت کہ بازیں جیڈھ آں ابید گوستگیں سال ءَ ما اوگان ایمنی کار ءَ جوانیں دیمروئی کار کتگ، ایشی ءَ ابید کوویڈ-19 ءَ گوں گر ءُ چیل بوھگ ءِ واستہ جان سلامتی ءُ معاشی شوبگ آںی تہ ءَ کمک ءَ چہ مردم آنی زندمان ءَ را رکھینگ ءَ کمک رسگ ءَ انت۔ آئی ءَ گوشت کہ امریکہ ءَ آیوکیں سال ءَ پاکستان ءِ گوما تجارت ءَ را گیش شاھیگانی دیان ءَ دو نیمگی شریکداری ءَ را گیش مھکم جوڑ کنگ لوٹ ایت ءُ بنیاتی آزاتی ءِ رکھینگ ءِ واستہ یکجائی ءَ کار کنگ ءَ انت۔
