کوئٹہ۔ 14 اگست (اے پی پی) وزیراعلیٰ بلوچستان جام کمال خان پارینے کہ جشن آزادی نا دے بحیثیت قوم ننکن بھاز اہمءِ پاکستان نا باتیک ایلو کیہی ملک آتا الس آن گچین ءُ زند اس تیر کننگ ءُ، دنیا ٹی جاگہ اس جنگ، جاگہ اس اقتصادی ویل آتیان الس پلویڑ ءُ نن غٹ دا گل زمین نا گچینی نا زموار اُن، چنکا چنکا کوشست آک قوم تے بھاز مون آ دیرہ، 6 تُو قدرتی آفت تون مون تسن ہرابھاز انگا بدلی تے ایس کورونا نادین چٹتنے ہنداخاطرآن نن احتیاط ءِ برجاتخن، بلوچستان نا الس نا پاکستان نا آجوئی ٹی اہم ءُ کڑد اس مسنے، کوروناوائرس اٹی آزادی نا قدر و قیمت ءِ زیات محسوس کننگ مریک دہ سال اٹی بلوچستان نا الس غٹ آن زیات قربانی تسنو بلوچستان و پاکستان نا الس کشمیری تتون تفوک ءُ۔ کشمیری ایلمک ننے مدام تین تون اوار خنرہ ، کشمیری تا قربانیک زوت رنگ اس اتیرہ۔ داخیال آتا درشانی ءِ او جمعہ نادے آ بلوچستان اسمبلی نا سوزہ زار اٹی بیرک ءِ چست کننگ نا دود آن تران کرسا کرے۔ بیرک ءِ چست کننگ نا دود اٹی اسپیکر بلوچستان اسمبلی میر عبدالقدوس بزنجو، صوبائی وزیر آک، پارلیمنٹ نا باسک آک، آئی جی پولیس محسن حسن بٹ، بڑزکو فوجی و سول کمامدارآک و چندی مکاتب فکر انا مخلوق ہم داٹی بشخ ہلکر دود آن تران کرسا وزیراعلیٰ بلوچستان جام کمال خان پارے کہ بے مٹ قربانی تا سوب آن پاکستان جوڑ مس، بھارتی بیدادی نا برخلاف اہل بلوچستان کشمیری ایلم تتون ہم کوپہ ءُ ، مقبوضہ کشمیر اٹی ساڑی انتہاپسند حکومت بیدادی نا تاریخ اس ہلانے۔ اوپارے کہ پاکستان اٹ غٹ اقلیت آک پورو آجوئی اتون آباد ءُ، وزیراعلیٰ بلوچستان مستی پارے کہ اینو نا دے مستین نا قربانی تا یات ترفک ہراتم برصغیر نا مسلمانک آزادی کن تینا کل ءِ قربان کریر۔ اوپارے کہ اینو نادے پاکستانی تے کشمیری تا جہد اٹ گنڈانے اینو بلوچستان آن کلہو ہنانے کہ نن کشمیری تتون تفوک اُن۔ جام کمال خان جشن آزادی نا وخت آ ملک و صوبہ ٹی شہید مروک آ سیکورٹی فورس آتا ورناتے خراج عقیدت پیش کرسا پارے کہ داشہید آتا بے مٹ قربانی تا سوب آن اینو نن دا ماحول اٹ پرامن زند اس تیر کننگ اُن۔
