سوات۔ 05 جولائی (اے پی پی):کشمیر ءُ گلگت بلتستان ءِ کار آنی وفاقی وزیر انجینئر امیر مقام ءَ رضاکار محمد هلال ءَ گوں گند ءُ نند کت کہ آئی ءَ را گوستگیں سوات ءِ سانحہ ءِ وھد ءَ وتی بہادری ءُ انسانی ھزمت ءِ جذبہ ءِ سبب ءَ راجی پڑ ءَ ستا دیگ بوتگ۔ وفاقی وزیر ءَ رضاکار محمد ہلال ءَ را مالا جتگ ءُ مزنیں خراج تحسین پیش کتگ۔ انجینئر امیر مقام ءَ محمد ہلال ءِ بے مٹیں ھزمت ءُ گرانیں جاور ھال آنی تہ ءَ آئی ءِ بے دروریں قربانی ءِ توسیپ کت۔ وفاقی وزیر ءَ رضاکار محمد ہلال ءَ را ’’راج ءِ راستیں ہیرو‘‘ لیک اتگ ءُ گشتگ کہ محمد ہلال ءِ ترند ءُ بے ترسیں کارروائی ءَ چہ گران بھائیں انسانی جان رکینتگ ءُ دگہ مردم آنی واستہ مثال جوڑ بوتگ کہ آ ایشانی رندگیری ءَ بہ کن انت۔ آئی ءَ گوشت کہ مزن وزیر شہباز شریف رضاکار محمد ھلال ءِ جوانیں سرکاری ھزمت ءِ اعتراف ءَ آئی ءَ را ھاسیں ایوارڈ دنت ۔ وفاقی حکومت رضاکار محمد هلال ءَ را آئی ءِ بہادری ءُ خدمت ءِ جذبہ ءِ ھاتر ءَ ھاسیں داد دنت۔ وفاقی وزیر ءَ گوشت کہ اے رنگیں مردم راج ءِ شان اَنت ایشانی سرجمیں دلبڈی ءُ وش اتک کنگ بہ بیت۔ پاکستان ءَ محمد ہلال ءِ وڑیں ہیرو آنی سر ءَ فخر اِنت کہ آ گرانیں وھد ءَ دیم ءَ رو اَنت ءُ انسانیت ءِ ھزمت ءَ بے ھچ وڑیں معاوضہ ءَ رو اَنت۔ وفاقی وزیر انجینئر امیر مقام ءَ گوشت کہ صوبائی حکومت ءِ نااہلی ءِ سبب ءَ گران بھائیں انسانی جان گار بوتگ انت کہ ایشی ءَ چہ افسوس ءِ گپ انت۔ صوبائی سرکار ءِ وسائل مہلوک ءِ واستا کارمرز کنگ نہ بنت بلکیں اسلام آباد ءِ سرا اُرش کنگ ءِ واستا کارمرز کنگ بنت۔ اے صوبائی حکومت ءِ کار ات کہ آ گران بہائیں انسانی جاناں بہ رکّینیت کہ آ وتی ذمہ واری ءِ تہا ناکام بوتگ ات۔
