اسلام آباد۔ 02مارچ (اے پی پی) بنجاءنا کنڈآن قبائلی علاقہ جاٹ فاٹا نا ضرب عضب آن زہمی مروک آ عارضی وڑاٹ بے اُرا بندغ آتا پدی ہِننگ نا چرجوئی برجائِ۔ داوخت اسکان 3لکھ 36ہزار خاہوت پدی تینا باوہ و پیرہ ہی علاقہ غاتیا رسینگانو۔ پدی ہنوک آ بندغ آتے 25ہزار روپئی نغد گرانٹ وخت اس کہ 10ہزار روپئی ٹرانسپورٹ نا مد اٹی تننگ انگ ئِ۔ ایف ڈی ایم اے نا کمامدارآتارداٹ دہشت گرد آتا برخلاف برجاآپریشن ضرب عضب اٹی زہمی مروک آ عارضی وڑاٹ بے اُرا بندغ آتا پدی ہِننگ نا چرجوئی برجائِ۔ ہرا قبائلی علاقہ غاتا بے اُرا بندغ آتا پدی ہِننگ نا چرجوئی برجائِ ، اوفتے ٹی قطبی وزیرستان نا اسہ لکھ 4ہزار 382، سویلی وزیرستان نا 71ہزار 124، خیبر ایجنسی نا 91ہزار689، اورکزئی ایجنسی نا 35ہزار 823و کرم ایجنسی نا 33ہزار 24خاہوت داوخت اسکان پدی تینا علاقہ غاتیا رسینگانو وخت اس کہ جم وڑاٹ عارضی وڑاٹ بے اُرا بندغ آتا کل 3لکھ 36ہزار خاہوت داوخت اسکان پدی تینا علاقہ غاتیا رسینگانو۔ کمامدارآتارداٹ پدی ہنوک آ بے اُرا بندغ آتے 25ہزار روپئی نغد گرانٹ وخت اس کہ 10ہزار روپئی کرایہ نا مداٹی تننگ انگ ئِ۔ ورلڈ فوڈ پروگرام نا رداٹ 6تواکن مفت کنوئی ئُ گڑاو مال مویشی چارہ ہم تننگ انگ ئِ۔ کمامدارآتارداٹ عارضی وڑاٹ بے اُرا بندغ آتا پدی ہِننگ نا عمل 10 اپریل اسکان پورو کننگک۔
