اسلام آباد۔ 02مارچ (اے پی پی) مسکوہی سفیر فوزیہ نسرین پارینے کہ علاقائی کمکار تنظیم دیوان نا پاکستان اٹی اڈتننگ نا مثبت نتیجہ دوئی مریک۔ ریڈیو پاکستان تون ہیت وگپ کرسا اوپارے کہ ایکو دیوان اٹی غٹ باسک ملک آتا بڑزکوسروک نا بشخ ہلنگ نا بھرم آک بروک آ وخت آتیٹی مون آ بریرہ۔ اوپارے کہ تنظیم نا دیوان آن پاکستان تون اوار غٹ باسک ملک آتا ویل آتے اواری اٹ تولسا ایسر کننگ کیرہ، دیوان نا اسیجائی پڑوآن پد غٹ ملک آتے تین پہ تینی رابطہ، واپار، ٹرانسپورٹ ، توانائی ، اقتصادی و سیاسی تعلقداری تے پین سوگو کننگ اٹی کمک رسینگک۔ فوزیہ نسرین پارے کہ دیوان آن پد پاکستان داملک آتون مقابلہ محسوس کیک انتئے کہ غٹ باسک ملک آک پاکستان نا مقابلہ ٹی خواندگی نا پٹ اٹی بھاز مون آٹی ئُ و ننے ہم اوفتا بریبر سلنگ کن تینا قدرتی وسیلہ غاتے کاریم اٹ اتسا مون آ ہنوئی تمک۔ اوپارے کہ پاکستان ڈیہہ ٹی جغرافیائی اعتبار آن اہمیت نا حامل ئُ ملک اسے ایکو نا باسک ملک آک سی پیک ڈٹ اٹی شرکت کننگ اٹی است خواہی نا درشانی ئِ کرینو انتئے کہ دا ڈٹ ڈیہہ نا شونداری نا مزل نا نشان اسے و پاکستان نا کمک اٹ سویلی و نیامی ایشیائی ملک آتیٹی رابطہ غاک استوار مریرہ۔
