واشنگٹن۔ 11 اگست (اے پی پی) امریکہ ٹی کوروناوائرس آن زہمی بندغ آتا کچ و زوال کروک آتا کچ اٹی پدریسہ ودکی مننگ ءِ، امریکہ نا چندی ریاست آتیٹی دا ہلوک آ وائرس نا سوب آن داتم اسکان اسہ لکھ 66 ہزار آن زیات بندغ زوال کرینو۔ سے شنبے نادے آ امریکی میڈیا نا رداٹ ملک انا چندی ریاست آتیٹی داسہ ہم کورونانا تالانی برجاءِ۔ امریکی محکمہ جان جوڑی نا رداٹ ملک اٹ داوخت آ کوروناوائرس نا زہمی تا کچ 52 لکھ 51 ہزار آن زیات ءِ، ملک اٹی کورووائرس آن داتم اسکان 166192زوال کرینووخت اس کہ داوخت آ کوروناوائرس نا فعال کیس آتا پک جم اٹنگا کچ 2369320ءِ۔ کمامدارآتا پاننگ ءِ کہ امریکہ ٹی کوروناوائرس آن زہمی 2715934 بندغ داتم اسکان دراخ جوڑ مسنو۔ کوروناوائرس نا دین آن امریکہ غٹ آن زیات زہمی ملک ءِ۔ امریکہ ٹی کورونا وائرس نا اولیکو کیس انا تشخیص دا سال 22 جنوری آ مسوسس۔ امریکہ ٹی ہلوک آ کوروناوائرس نا ناجوڑ آتا کچ اٹی شش تُو تدینگ انگ آن پد ہم گڑتی نا حداسکان ودکی مننگ ءِ۔
