اسلام آباد۔ یکم مارچ (اے پی پی) مزن وزیر محمد نواز شریف ئَ گوشت کہ اقتصادی کمکی گل ئِ باسکیں ملک آں اے پڑ ئَ را وشھالیں دمگ ئِ جوڑ کنگ ئِ درشان کُت۔ ما یکجاھی رنگ ئَ نیم ارب ئَ چہ گیش ملک آنی مردم آں وشھالی آرگ ئُُ یکجائی ئَ کار کنگ ئِ دلوشی ئِ درشان کُت۔ آ چارشمبے ئِ روچ ئَ اقتصادی کمکی گل ئِ سیکریٹری جنرل حلیل ابراہیم اککا ئِ ھمبراھی ئَ ای سی او سربراہ دیوان ئِ گڈ ئَ یکجائی پریس کانفرنس ئَ گوں گشتانک دیان اَت۔ مزن وزیر محمد نواز شریف ئَ گوشت کہ اقتصادی کمکی گل ئِ باسکیں ملک آں ایمنیں پڑ ئِ واستہ ناشرکاری، ئُُ منشیات ئِ شپوکی ئِ ھلاپ ئَ یکجاھی جُہد ئُُ کوشست کنگ ئِ واھشت درشان کُت۔ مزن وزیر محمد نواز شریف ئَ گوشت کہ اے پڑ مُدام دود ئُُ ربیدگ ئُُ امیجینیشن آنی دیگ ئُُ زور ئِ یک کشک ئِ بوتگ۔ آئی ئَ گوشت کہ سربراہ دیوان ئَ شریکیں رھشون آں ای سی او ئِ گورننگ باڈیز ئَ را ہدایت کُتگ کہ آ سربراہ دیوان ئِ بُن گپ ” پڑے وشھالی ئِ ھاترا رابطہ“ ئِ رد ئَ ٹوھیں یکوئی ئَ را دیمروئی بدینت۔
