
راولپنڈی۔ یکم مارچ (اے پی پی) پاک اُرد ئِ سربراہ جنرل قمر جاوید باجوہ ئَ گوں ترکش چیف آف جنرل سٹاف جنرل ہلوسی اکار ئَ چار شمبے ئِ روچ ئَ گند ئُُ نند کُت۔ آئی ایس پی آر ئِ رد ئَ گند ئُُ نند ئِ ساھت ئَ دمگی سکیورٹی ئُُ سلامتی ئِ کار آنی بابت ئَ باست ئُُ واست کنگ بوت۔ مڈاداریں مہمان آں ناشرکاری ئِ ھلاپ ئَ پاکستان ئِ کوشست آناں ساڑات ئُُ ناشرکاری ئِ ھلاسی ئِ ھاترا بندات کتگیں آپریشن ”رد الفساد“ ئِ توسیپ کُت۔ آرمی چیف جنرل قمر جاوید باجوہ ئَ زور پر دات کہ دوئیں ملک آنی نیام ئَ اُردی یکوئی ئَ را گیش مھکم کنگ ئِ ضلورت اِنت۔ آرمی چیف ئَ گوشت کہ پاکستان ئُُ ترکی ئِ کمک پڑ ئَ ایمنی ئُُ سلامتی ئِ واستہ جوانیں گام اِت۔ ایشی ئَ چہ پیسر ترک چیف وھدیکہ جی ایچ کیو ئَ سر بوت گڈا آر ا ورنا آں سلامی دات ایشی ئَ پد آئی ئَ نمیرانیں شہید آنی قبر ئِ سر ئَ پُل آنی چادر پر دات۔