اسلام آباد۔ یکم مارچ (اے پی پی) مزن وزیر محمد نواز شریف ئَ گوشت کہ اقتصادی کمکی گل ئِ باسکیں ملک آنی واستہ جوانیں کمک ئِ وسیلگ ئَ نوں دیم ئَ جُنزگ ئِ وھد اتکگ، پاکستان سیم سر ئُُ سر ڈگار ئِ سبب ئَ درستاں جوانتر اِنت، ایشرا یک طاقتور یں اقتصادی بلاک ئِ جوڑ کنگ ئُُ دیمروئی ئِ نیمگ ئَ جنزگ ئِ واستہ یک جوانیں لیکہ ئُُ یکجوئی وڑن ئِ رسد ئِ واستہ پاکستان ئِ کرا بُنیاتی کوکا اَست اِنت۔ باسکیں ملک آنی گوما رابطہ ئَ را گیش ودینگ ئُُ تجارت ئِ کشک آنی سر ئَ دلگوش دیگ لوٹیت، ما البیرونی، فارابی، سعدی، رومی ئُُ اقبال ئِ وڑیں ٹوھیں مردم آنی سبب ئَ مئے سر چست اِنت، زرباری ئُُ نیامی ایشیا ئَ سی پیک ئَ را نوں ھاٹیگ، بنیاتی کوکا، ٹرانسپورٹ ئِ شوبگ ئَ رابطہ ئُُ تجارت ئِ دیمروئی ئِ بنیاتی منصوبگ آناں منّگ بوھگ ئَ اِنت۔سیٹ ئِ سر ئَ نندگ ئَ پد من ھمساھگیں پالیشی ئِ سر ئَ کار کنگ مئے مول ئُُ مراد جوڑ بوتگ۔ آئی ئَ اے ھیال آنی درشانی پاکستان ئِ میزبانی ئَ اقتصادی کمکی گل ئِ سیزدھمی دیوان ئِ بنگیجی سیشن ئَ گشتانک دیان ئَ کُت اَنت۔ مزن وزیر محمد نواز شریف ئَ گوشت کہ آ اے گپ ئِ سر ئَ یکیم دار ایت کہ اقتصادی کمکی گل ئِ وھد نوں اتکگ ئُُ اے جوانیں وھد اِت کہ نوں دیمروئی ئِ نیمگ ئَ جنزگ بہ بیت۔ دمگی وشھالی ئِ واستہ یکوئی ئِ وتی واب گواچن ئِ توک ئَ مٹ بوتگ اَنت ایشی ئَ چہ شرتر ئُُ جوانتریں موہ پیسر ئَ کدئی نہ اتکگ۔ اقتصادی کمکی گل ئِ سربراہ دیوان ئَ توامیں 10ملکی باسک ، 8مملکتی ئُُ حکومتی سربراہ ساڑی اَتنت، ایشانی تہ ئَ پاکستان ئَ ابید ایران، آذربائیجان، ترکی، اوگانستان، تاجکستان، کزاکستان، کرگزستان ئُُ اُزبکستان ھوار اَنت۔
