پاکستان ئَ ٹیلی کام ئِ پڑئَ بے دروریں دیم روئی کنگئِ پد ئَ میاں اوستمانی داد ” جی ایس ایم اے گورنمنت لیڈر شپ ایوارڈ برائے 2017“ حاصل کتگ

بارسلونا۔یکم مارچ ( اے پی پی) پاکستان ئَ ٹیلی کام ئِ پڑ ئَ بے مٹیں دیم روئی کنگئِ پد ئَ میاںاوستمانی داد ”جی ایس ایم اے گورنمنت لیڈر شپ ایوارڈ برائے 2017“ حاصل کتگ۔ اے داد اسپین ءِ شہر بارسلونا ئَ جاری ورلڈ موبائیل کانگریس ئِ یک پُرمڈاھیں مراگشے ءِ تہا دیئگ بوتگ۔ پاکستان ئِ نیمگئَ چہ اے داد وزیر مملکت برائے انفارمیشن ٹیکنالوجی انوشہ رحمانءَ دست گپتگ۔ گوستگیں یک دھائی ئَ چہ پاکستانئَ ر ا اولی رندئَ اے میاں اوستمانی داد دیئگ بوتگ۔ اے موھ ئِ سرئَ مملکتئِ وزیر انوشہ رحمان ئَ گشتگ کہ جی ایس ایم اے گورنمنٹ لیڈر شپ ایوارڈ، میاں اوستمانی تک ئَ پاکستان ئِ ٹیلی کام پالیسی آناں منّگ ءُ پاکستانئِ مزن وزیر محمدنواز شریف ئِ قیادت ئَ انفارمیشن ٹیکنالوجی ئِ پڑئَ بوتگیں آشوبی مٹی آنی سرئَ میاں اوستمانی ٹیلی کام کمیونٹی ئِ بھروسہ کنگئِ درشانی اِنت۔