اسلام آباد ۔ 5 اگست (اے پی پی) بنجاہی وزیر برائے کانود ءُ انصاف بیرسٹر فروغ نسیم ءَ گوشت کہ بھارتی درکانودی زوبرتگیں کشمیرءِ مہلوک ءَ را بدتریں فوجی محاصرہ ءُ انسانی حقانی سکیں ھلاپ ورزی ءَ کنگ انت۔ یوم استحصال ءِ درگت ءَ جاڑی کتگیں وتی کلوھ ءِ تہ آہاں گوشت کہ بھارت ءَ گوستگیں سال ءَ 5 اگست چہ کشمیریانی بنیاتی انسانی حق مہتل کتگ انت، آرٹیکل 370 ءُ 35 ۔ اے ءِ ھلاسی ءِ پدا بھارتی فوج آہاں را ہمک روچ لٹ ءُ کٹ ءِ نشانگ جوڈ کنگ انت۔آہاں گوشت کہ بھارتی مسلمان ھم محفوظ نیست انت پرچا کہ نریندر مودی درکانودی مقبوضہ کشمیر ءِ تہ بدتریں زلم ءُ زوراکی ءَ کنگ انت۔آں نازی جرمنی ءِ تہ یہودی آنی ھلاپ فاشسٹ ہٹلر ءِ پندلانی وڈ ءَ انت۔آہاں گوشت کہ دگنیا ءَ را اے راستی ءِ اداراک کنگ لوٹ ایت کہ مودی ءِ آر ایس ایس ءِ نظریہ نازی ازم چہ بدترین انت پرچہ کہ مسلمانانی نسل کشی نظریہ ءِ ھاسیں مکسد انت ءُ بھارت زوربرتگیں کشمیر ءِ تہ اے نظریہ ءِ سرا کاربند انت۔آہاں گوشت کہ یوم استحصال کشمیر گوازینگ ءِ مکسد میاں اوستمانی ادارگ ءُ انسانی حقانی گلانی دلگوشی درکانودی زوربرتگیں کشمیر ءِ تہ مئے براتانی ھلاپ ءَ بھارتی فوج ءِ انسانی حقانی سکیں ھلاپ ورزیانی نیمگا دلگوشی دیگی انت۔ آہاں گوشت کہ اے درکانودی مقبوضہ کشمیر ءِ تہ بھارت ءِ درکانودی گام ءَ را بے نقاب کنگ ءِ وھد انت ءُ اے مئے جزم انت کہ مہ ہمک روچ بھارتی زلم ءَ را بے نقاب کنگ اوں۔ فروغ نسیم ءَ گوشت کہ کشمیری برات ءُ گہار وتی آجوئی ءِ جدوجہد ءِ تہ ایوک نیست انت بلکہ مہ آہاں گوں بھ انت ءُ یکجاھ انت۔