اسلام آباد۔ 01مارچ (اے پی پی) قومی امور نا چاہندار ڈاکٹر زاہد انور خان پارینے کہ علاقائی کمکار تنظیم نا دیوان نا اڈتننگ ساڑی حکومت نا بھاز بھلو سرسہبی اسے۔ ریڈیو پاکستان تون ہیت وگپ کرسا اوپارے کہ علاقائی کمکار تنظیم نا دیوان بے کچ اہمیت تخک انتئے کہ بھارت پاکستان ئِ دنیا ٹی تنیا کننگ خوائک و دادیوان آن پاکستان نا مثبت تشخص تالان مریک و دانا برخلاف غٹ منفی پروپیگنڈہ غاک دم کش مریرہ۔ اوپارے کہ پاکستان نا ساڑی حکومت نا گچین سفارتی و مثبت پالیسی تا سوب ننا روس، چین، ایران ، ترکی، ترکمانستان ، تاجکستان ، آذربائیجان و ازبکستان تون اوار ایلو ملک آتون تعلقداریک پین سوگو مسنو۔ اوپارے کہ ہندا ملک آتون ننا مست آن دودوربیدہ ہی و معاشی رابطہ غاک ساڑی ئُ ولے دا دیوان آن پد تعلقداری تیٹی پین گچینی بریک ، واپار، معاشی و سیاسی تعلقداری تے مون آ دننگ رسینگک۔
