سرینگر۔ 03 اگست (اے پی پی) کشمیری الس آ پیشن نا دنیا نا درگہ غاتے بند کننگ و اوفتے دنیا نا غٹ آن بھلا جیل، بھارت نا زیر تسلط مقبوضہ جموں و کشمیر اسکان محدود تخنگ کن بھارت ہر کشمیری نا معلومداری تے یکجا کننگ نا فیصلہ ءِ کرینے۔ کشمیر میڈیا ہاؤس نا رداٹ فیصلہ نا رداٹ بھارتی پولیس ءِ کشمیری تا حساب وکتاب ءِ یکجا کننگ نا زمواری ءِ تننگک وپولیس کشمیری خاہوت آتا معلومداری تے یکجا و اوفتے پک کیک۔ اسہ سینئر عہدیدار اس سرینگر اٹ میڈیا ءِ پارے کہ پولیس بھارت نا غیر کانودی زیر تسلط مقبوضہ کشمیر اٹ معلومداری یکجا کننگ کن کشمیری تے پولیس اسٹیشن تیا بٹنگک و ہرا مخلوق پیشن نا ملک آتیٹی ءِ اوفتا خاہوت آتیان گرج انارداٹ سرجم آتے یکجا کننگک۔ بھارت نا زیر تسلط مقبوضہ کشمیر اٹ داپیش رفت آ نظر تخوک آتا پاننگ ءِ کہ اگرچہ دا فیصلہ ءِ کوروناوائرس نا دین انا پن آ کننگ انگ ءِ ولے دا گام گیج نا مسخت کشمیری تیا پیشن نا دنیانا درگہ غاتے بند کننگ و مودی نا فسطائی حکومت نا کنڈآن کشمیری تے یرغمال کننگ نا ءِ۔
