اسلام آباد۔ 01مارچ (اے پی پی) ترک قطبی قبرص نا صدر مصطفی ایکنسی پارینے کہ اونا ملک اقتصادی کمکار تنظیم اٹی پین فعال و گچین کڑد ادا کننگ خوائک، ننے چندی بشخ آتیٹی باسک ملک آتا کمک درکار ئِ۔ او چارشنبے نا دے داڑے وزیراعظم محمد نواز شریف نا کماشی ٹی اڈ ہلوک آ 13می ای سی او سروک دیوان آن تران کریکہ۔ اوپارے کہ قطبی قبرص ای سی او نا باسک ملک آتون اقتصادی ، دودوربیدہ ہی و راجی رابطہ غاتے پین سوگو جوڑ کننگ نا خواہندار ئِ۔ ننے بڑزکو تعلیم و سیل و سوات نا بشخ آتیٹی اقتصادی کمکارتنظیم نا باسک ملک آتا کمک درکارئِ۔ اوپارے کہ نن سنجیدگی اتون قبرص نا ویل انا اسہ جامع ایسر اس خوانہ و اومیت ئِ کہ ارٹ میکو کڑدہ دانا مثبت ورندی ئِ ایتک۔
