اسلام آباد۔ 01مارچ (اے پی پی) ازبکستان نا نائب وزیراعظم الغ بیگ رازق الوف اقتصادی کمکار تنظیم نا باسک ملک آتا نیام اٹ ٹرانسپورٹ ، توانائی و مواصلات نا بشخ آتیٹی اسیجائی ڈٹ بناءکننگ نا سلاہ پیش کرے۔ او چارشنبے نا دے وزیراعظم محمد نواز شریف نا کماشی ٹی اڈ ہلوک آ 13می ای سی او سروک دیوان آن تران کریکہ۔ اوپارے کہ ای سی او ملک آتے غذائی رکھ اکن کشت وکشار نا بشخ اٹی ہم بایدے کمک ئِ ودفے۔ ازبکستان نا نائب وزیراعظم پارے کہ اونا ملک ایلو ہمسایہ ملک آتا اشتراک آن بنداوی ڈھانچہ نا شونداری نا ڈٹ آتیا کاریم کننگ ئِ۔ اوپارے کہ ڈیہہ ٹی امن پائیدار شونداری و شونہالی نا شڑت ئِ و باسک ملک آتے دا چرجوئی ٹی اواری اٹ کاریم کروئی مریک۔ دابابت اقتصادی کمکار تنظیم نا کارکڑد بھاز اہم ئِ۔
