بیجنگ۔ 27 جولائی (اے پی پی) چینی کمامدارآک چینگڈو ٹی امریکی سفارتی عملہ ناقونصلیٹ ءِ ہلنگ آن پد ماڑی ءِ تینا تحویل اٹ ہلکونو۔ چینی میڈیا نا رداٹ چینی حکومت تدوک آ ہفتہ امریکہ نا کنڈآن ہیوسٹن اٹ چینی قونصلیٹ بند کننگ نا ورندی ٹی چینگڈو شار اٹ امریکی قونصلیٹ ءِ بند کننگ نا پرمان جاری کریسس۔ چینی وزارت خارجہ نا پبلک ڈپلومیسی آفس تینا سوشل میڈیا اکاؤنٹ آ پارے کہ چین ہیوسٹن اٹ تینا قونصلیٹ ءِ بند کننگ نا ورندی ٹی امریکہ ءِ چینگڈوشاراٹ تینا قونصلیٹ ءِ بند کننگ کن 72 گھنٹہ تسوسس۔ 27 جولائی آ دامہلت نا چٹنگ آن پد امریکی قونصلیٹ ءِ بند کننگا و داکان پد چینی کمامدارآک قونصلیٹ نا ماڑی ءِ تینا تحویل اٹ ہلکر۔ داوخت آ چینی شاری تا بھلو کچ اس ماڑی نا خڑک آ مچ مسر و اوفک چینی بیرک ءِ چست کریر۔ داکان مست امریکی سفارتی عملہ ءِ قونصلیٹ آن روانہ مرسا خننگا۔
