واشنگٹن۔ 24 جولائی (اے پی پی) امریکہ ٹی ہلوک آ کوروناوائرس آن زہمی بندغ آتا کچ 41 لکھ 70 ہزار آن گدرینگانے وخت اس کہ ملک انا چندی ریاست آتیٹی دا ہلوک آ وائرس نا سوب آن داتم اسکان اسہ لکھ 47 ہزار آن زیات بندغ زوال کرینو۔ جمعہ نادے آ امریکی میڈیا نا رداٹ ملک اٹی کوروناوائرس نا ناجوڑ آتا کچ اٹی پدریسہ ودکی مننگءِ۔ امریکی کمامدارآتارداٹ ملک اٹی کوروناوائرس نا فعال زہمی تا کچ 20 لکھ 43 ہزار آن زیات ءِ وخت اس کہ دا ہلوک آ وائرس آن مچ آ ملک اٹی داتم اسکان 147333بندغ زوال کرینو۔ امریکی محکمہ جان جوڑی نا رداٹ ملک اٹی کوروناوائرس نا کیس آتا جم کچ 4169991اسکان سرمسنے۔ داہیت قابل ذکر ءِ کہ مچ آ دنیا ٹی داوخت آ کوروناوائرس آن زہمی بندغ آتا کچ اسہ کروڑ 56 لکھ آن زیات ءِ وخت اس کہ زوال کروک آتا کچ 6 لکھ 36 ہزار آن گدرینگانے۔ کوروناوائرس نا دین آن امریکہ غٹ آن زیات زہمی مسنے۔ امریکہ غان پد برازیل اٹ ناجوڑ آتا کچ زیات ءِ، وخت اس کہ بھارت، روس، سویلی افریقہ، پیرو، میکسیکوو چلی ٹی ہم لکھ آ بندغ وائرس آن زہمی مسنو۔ امریکہ ٹی کوروناوائرس نا اولیکو کیس انا تشخیص داسال 22 جنوری آ مسوسس۔ امریکہ ٹی کورونا نا فعال زہمی تا کچ 2043041ءِ۔
