اقوام متحدہ۔ 07 جولائی (اے پی پی) اقوام متحدہ نا سیکرٹری جنرل انتونیوگوٹریش پارینے کہ کوروناوائرس نا جہانی دین اٹی دہشت گردی نا توننگ کن غٹ ملک آتے کثیر الجہتی اٹ کاریم ہلوئی مریک۔ اوتدوک آ دے کوروناوائرس نا جہانی دین اٹی انسداد دہشت گردی کن مون تروک چیلنج و حکمت عملی آ اقوام متحدہ نا رداٹ اڈتروک آ ’’ورچوئل کاؤنٹرٹیرارازم ویک‘‘ انا بناءِ کننگ نا وخت آ اقوام متحدہ نا سیکرٹری جنرل انتونیوگوٹریش پارے کہ کوروناوائرس آنبار دہشت گردی نا ہم ہچ ءُ سیم اس اف۔ داہم غٹ ملک آتیا اثرانداز مریک ہرادے اواری اٹ شکست تننگ مریک، ہنداخاطرآن ننے دہشت گردی نا عملی توننگ کن کثیر الجہتی نا واکداری ءِ کاریم اٹ اتوئی مریک۔ اوخبڑدار کرے کہ القاعدہ، آئی ایس آئی ایل، اوفتا علاقائی سنگت، نیونازی سفید فام انا مخ تف بندغ و خار تالان کروک آ ایلو پڑک آک تینا مسخت آتا دوئی کننگ کن بشخ وپانٹ، ہندی جھیڑہ، حکومتی بے سہبی و غاو تا استحصال کننگ نا کوشست کیرہ ہنداخاطرآن غٹ ملک آتے انسانی حق انا رکھ و مون آ دننگ نا رداٹ دہشت گردی نا برخلاف جنگ اٹ ترندی اتیر و تینا ردعمل اٹ جدت اتیر۔ اوپارے کہ ننے دہشت گردی نا برخلاف جنگ اٹی پین و گچین کاریم کروئی مریک دُن کہ ننا ایلو مشن تیٹی کاریم کننگک انتئے کہ ننا کاریم نا کساس ءِ مخلوق نا زند اٹی اتروک آ بدلی تیان خلنگے۔ ورچوئل انسداد دہشت گردی ہفتہ ٹی جم وڑاٹ 10 ویبنرز اوار ءُ و شرہ ٹی اسہ ہزار آن زیات نمائندہ کورونا تنکی ءِ مون آ تخسا انسداد دہشت گردی نا کلیدی سرحال آتیا اقوام متحدہ نا جہانی انسداد دہشت گردی نا حکمت عملی نا بابت مون آ تخرہ۔
