حکومت و الس تون ہمدردی
اقوام متحدہ۔ 01 جولائی (اے پی پی) اقوام متحدہ نا جنرل اسمبلی نا صدر تجانی محمد بندے کراچی ٹی پاکستان اسٹاک ایکسچینج آ دہشت گرد جلہو نا مذمت ءِ کرسا پاکستان حکومت و الس تون ہمدردی نا درشانی ءِ کرینے۔ صدر نا ترجمان ریم ابازا پارے کہ جنرل اسمبلی نا صدر 29 جون آ پاکستان اسٹاک ایکسچینج آ مروک آ جلہو آ افسردہ ءِ و زور شاغانے کہ اقوام متحدہ نا جنرل اسملبی ہروڑنا دہشت گرد جلہو و کارروائی تا مذمت ءِ کیک۔ اوپارے کہ جنرل اسمبلی نا صدر پاکستان نا حکومت و اونا الس تون ہمدردی نا درشانی ءِ کرینے۔ یات سلے کہ 29 جون آ پاکستان اسٹاک ایکسچینج آ 4 دہشت گرد جلہو کریر ہراٹی سیکورٹی گارڈ و پولیس سب انسپکٹر زوال کریر وخت اس کہ پولیس نا سم کاری آن غٹ دہشت گرد آک خلنگار۔
