سیئول۔ 26 جون (اے پی پی) سویلی کوریا ٹی تدوک آ 24 گھنٹہ ٹی کوروناوائرس نا سوب آن 39 پین کیس رپورٹ مس۔ہراڑآن داوخت اسکان نا کیس آتا کل کچ 12،602 مس۔ ذرائع ابلاغ نا رداٹ کوروناوائرس نا 30 آن 60 کیس ہڑدے مون آ بننگ ءِ۔ پوسکن آ کوروناکیس آتیان 12 بندغ پیشن نا ملک انا سفر ءِ کرسا سویلی کوریا غا بسنو۔ گڑاس کیس داسکان ہم مذہبی، مچی، نرسنگ ہوم، جان جوڑی نا مصنوعات آتا خوردہ فروش و کارکلب تون گنڈنگانو۔ پین زوال کروک پک متنے وخت اس کہ داوخت اسکان زوال کروک آتا کل کچ 282 ءِ۔ سویلی کوریا ٹی مرک آتا جم کچ 2.24 درسد مس۔ پورو دراخہ جوڑ مننگ آن پد جم وڑاٹ پین 198 ناجوڑ آتے قرنطینہ غان کشنگا، ہراڑآن دراخہ جوڑ مروک آتا داوخت اسکان نا کل کچ 11،172ءِ۔ دراخہ جوڑ مروک آتا کل کچ 88.7 درسد مس۔ 3 جنوری آن ملک اٹی 1.23 ملین آن زیات بندغ آتا کوروناٹیسٹ ءِ کننگانے۔ ہرافتیان 1،200،885 بندغ آتا کورونا ٹیسٹ منفی بسوسس، پین 18،828 بندغ آتا کورونا ٹیسٹ برجاءِ۔
