اقوام متحدہ۔ 18 جون (اے پی پی) ترک سفارتکار ولکن بوزکیر ءِ اقوام متحدہ نا جنرل اسمبلی نا 75 می دیوان کن صدر گچین کننگا۔ چینی خبر رساں ادارہ نا رداٹ ولکن بوزکیر ءِ اقوام متحدہ نا 178باسک ملک آک تدوک آ دے اودیم رائے شماری نا کمک اٹ گچین کریر و اواینخو نا سال ستمبر اٹی سالانہ دیوان نا بناغا ساڑی آ جنرل اسمبلی نا صدر تیجانی محمدبندے آن جنرل اسمبلی نا اقتدار ءِ سنبھالوئی ءِ ہرانامداسہ سال مریک۔یات سلے کہ 69 سال انا بوزکیر 1989ء آن 1992ء نا نیام اٹ نیویارک اٹی ترکی نا قونصل جنرل و 2005ء آن 2009ء اسکان ترکی نا کنڈآن یورپی یونین نا آخبتی نمائندہ غان بیدس ترکی نایورپی یونین نا باندات آتا وزیر و یورپ اٹی ترکی آن الحاق کن اہم مذاکرات کار نا وڑاٹ خذمت ہم انجام تس۔
