واشنگٹن/پیرس۔ 18 جون (اے پی پی) مچ آ دنیا ٹی ہلوک آ کوروناوائرس آن زوال کروک آتا کچ چار ءُ نیم لکھ آن گدرینگانے۔ پنچ شنبے نادے آ امریکی میڈیا نا رداٹ مچ آ دنیا ٹی کوروناغان داوخت اسکان 84 لکھ آن زیات بندغ زہمی مسنو وخت اس کہ کیہی ملک آتے ٹی 4 لکھ 51 ہزار آن زیات بندغ زوال کرینو۔ تازہ انگا حساب وکتاب نا رداٹ دنیا ٹی کوروناوائرس آن داوخت اسکان 8،406،06بندغ زہمی مسنووخت اس کہ جم زوال کروک آتا کچ 451،387 اسکان سرمسنے۔ کوروناوائرس آن امریکہ ٹی اسہ لکھ 19 ہزار آن زیات بندغ زوال کرینو۔ زوال کروک آتا کچ انا اعتبار اٹ لاطینی امریکی ملک برازیل ارٹ میکو نمبر آٹےہراڑے داوخت اسکان 46665 بندغ زوال کرینو۔ برطانیہ ٹی 42،238، اٹلی ٹی 34،448 ، فرانس اٹی 29،578، سپین اٹی 27،136،میکسیکو ٹی 19،080و بھارت اٹی دا ہلوک آ وائرس آن داوخت اسکان 12 ہزار 262 بندغ زوال کرینو۔ ایران اٹی کوروناغان کہوک آتا کچ 9،185ءِ۔ دنیا نا غٹ آن زیات زہمی ملک امریکہ ءِ ہراڑے زہمی تا کچ 2234471ءِ وخت ا س کہ ملک اٹی داوخت اسکان 119941 زوال مسنے۔ دا ہیت قابل ذکر ءِ کہ کوروناوائرس نا اولیکو کیس 17 نومبر 2019ء آ چین اٹی مون آبسوسس ہرا داسہ مچ آ دنیا ءِ تینا پلویڑ اٹی ہلکونے۔ چین اٹی کوروناوائرس آن 4634 بندغ زوال کرینوو ملک اٹی داوخت آ فعال ناجوڑ آتا کچ 265ءِ۔
