اقوام متحدہ۔ 15 جون (اے پی پی) اقوام متحدہ نا رداٹ کوروناوائرس نا سوب آن خلوک آ سفری پابندی تا سوب آن مچ آ دنیا ٹی بحری جہاز آتا عملہ نا 20 لکھ باسک آتیان ہزار آک کیہی تُو تیان سمندر اٹی اختہ مسنو۔ اقوام متحدہ ملک آتیا زور شاغنگ ءِ کہ ہندا باسک آتے بندرگاہ تیا دڑنگ اٹ کمک تننگے۔ اسہ بیان اسے ٹی پاننگانے کہ اقوام متحدہ نا سیکرٹری جنرل انتونیوگتریس ءِ مچ آ دنیا ٹی بحری جہاز آتا عملہ ءِ مون تروک ودوک آ انسانی و سلامتی تنکی آ گڑتی ءِ۔ اوغٹ حکومت آتے پارینے کہ اختہ مروک آ عملہ ءِ پدی ہِننگ نا موکل تننگےو ایلوفک ہم اوفتے تون تفر۔ اقوام متحدہ نا پاننگ ءِ کہ بحری ہن و بر نا صنعت طبی سازوسامان، خور و کوروناوائرس نا برخلاف ردعمل کن درکار بے کچ المی گڑاتتون اوار واپاری گڑاتا 80 درسد آن زیات بشخ انا ترسیلءِ کیک۔
