کابل۔ 15 جون (اے پی پی) اوغان حکومت و طالبانک قطر انا دارالحکومت دوحہ ٹی اولیکو امن مذاکرات نا اڈتننگ کن امنا کرینو۔ برطانوی خبررساں ادارہ نا رداٹ اوغان حکومت و طالبان تا نیام اٹ کیہی سال تا بے چیٹی آن پد انٹرااوغان مذاکرات یعنی امن مذاکرات کن داسکان ہچ ءُ تاریخ اس پک کننگتنےولے گمان ءِ کہ اوغان حکومت نا کنڈآن 5 ہزار طالبان بندی تا یلہ مننگ آن پد امن مذاکرات ممکن ءِ، طالبان تا رترجمان سہیل شاہین پارینے کہ اولیکو انٹرااوغان مذاکرات قطرانا دارالحکومت دوحہ ٹی مریک و دا امن مذاکرات 5 ہزار طالبان بندی تا یلہ مننگ نا اسہ ہفتہ نا تہہ ٹی مریک۔ اوپارے کہ حکومت امن مذاکرات ءِ زوت آن زوت بناکننگ خواہک ولے دا مذاکرات گڑاس اہم طالبان بندی تا یلہ کننگ نا معاملہ تون گنڈوک ءِ و حکومت طالبان تے گیگ بدل بندی تا رہائی نا سلاہ تسنے ولے اوغان صدارتی ماڑی نا ترجمان صدیق صدیقی تینا اسہ ٹویٹ اسے ٹی پارینے کہ اوغان حکومت و طالبان دوحہ ٹی اولیکو امن مذاکرات کن تیار ءُ ولے داڑکن آخبتی جاگہ یا ہند آ امنا کننگتنے۔
