کابل۔ 04 جون (اے پی پی) اوغانستان نا دے ٹکی صوبہ لوگر اٹی سیکورٹی چیک پوسٹ آ جلہو و اسہ ایلو آ سم کاری ٹی اسہ طالبان اس خلنگا و 2 ٹھپی مسر۔ چینی خبر رساں ادارہ نا رداٹ صوبائی پولیس جاری کروک آ بیان اٹی پارینے کہ تدوک آ دے صوبہ لوگر نا دارالحکومت پل عالم اٹی طالبان تا اسہ پڑک اس سیکورٹی چیک پوسٹ آ جلہو کرے ہراڑآ پولیس نا ورندی سم کاری ٹی اسہ طالبان اس خلنگا و 2 ٹھپی مسر۔ جلہو اٹی ہچ ءُ پولیس کارندہ اس زوال و ٹھپی متنے۔ طالبانک دا بابت ہچ ءُ بیان اس جاری کتنو۔
