حکومت برآمد آتے ٹی ودکی کن زرگزران نا غٹ بشخ آتیا اسہ وڑ چکار کننگ ءِ
اسلام آباد۔ 19 مئی (اے پی پی) وزیراعظم نا سلاہکار واپار و ٹیکسٹائل عبدالرزاق داؤد پارینے کہ حکومت ٹیکسٹائل، کشت وکشار و انجینئرنگ تون اوار زرگزران نا غٹ بشخ آتیا اسہ وڑ چکار کننگ ءِ تانکہ بروک آ منہ تُو اٹی ملکی برآمد آتا لائخی ءِ ودفنگے۔ ‘‘اے پی پی’’ تون گپ وتران کرسا اوپارے کہ تدوک آ منہ تُو اٹی کوویڈ۔ 19 نا سوب برآمد آتا حالیت سہی متنے، اپریل 2020 ء ٹی تدوک آ سال انا ہندا وخت انا مقابلہ ٹی برآمد آتے ٹی 54 درسد کمتی بسنے۔ اوپارے کہ ملکی برآمدآتا مون آدننگ کن گچین گام گیج کننگانے، برآمد آتا ودفنگ کن ‘‘میڈان پاکستان’’ پالیسی حکومت نااولیت ءِ ۔ اوپارے کہ دا بابت آن ایجنڈا کابینہ نا اقتصادی رابطہ کمیٹی (ای سی سی) تون ءِ۔ وزارت واپار صںعتی پیداواراٹی ودکی کن بروک آ بجٹ اٹی ٹیرف سٹرکچر اٹ بدلی خواہک تانکہ میڈان پاکستان پالیسی ءِ سرسہب کننگ مرے۔ اوپارے کہ حکومت زرگزران نا غٹ بشخ آتیا اسہ وڑ چکار کرسا پیداوار اٹی ودکی کرسا برآمد آتے ودفنگ کن سنبرینگوک ءِ۔
