مزن وزیر شہباز شریف ءِ گشگ انت کہ حکومت ءَ لس مھلوک ءَ را مستندیں زانتکاری ءِ پھجارینگ، شفافیت ءِ دیمروئی ءُ زانتکاری ءِ رسگ ءِ حق ءِ رکھینگ ءِ ھاترا جزم کتگ

اسلام آباد۔27ستمبر  (اے پی پی): مزن وزیر محمد شہباز شریف ءَ لس مھلوک ءِ مستندیں زانتکاری ءِ رسگ ءُ ادارگ آنی نیمگ ءَ ایشی ءِ پجارینگ ءِ بنیاتی جمہوری حق ءِ بے مٹیں رنگ ءَ پدر کنگ ءَ وتی باور ءِ درشانی کتگ کہ حکومت، میڈیا، سول سوسائٹی، وانگ ءُ زانگ ءِ ادارگ، ٹیکنالوجی ءِ ماہرین ءُ شہری آناں وتی جان سلامتی ءِ رکھینگ ءِ ھاترا زانتکاری ءُ یک باخبریں، ذمہ وار ءُ شفافیں چاگردے ءِ جوڑ کنگ ءِ ھاترا دیم ءَ آرگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ ھال رسانی ءِ میاں اوستمانی روچ ءِ موہ ءَ وتی کلوہ ءِ تہ ءَ اے ھیالانی درشانی کت کہ باندا دو شمبے ءَ برجم دارگ بوھگ ءَ اِنت۔ مزن وزیر ءَ گوشت کہ پاکستان مرچی اھوالکاری ءِ رسائی ءِ میاں اوستمانی روچ ءِ سر ءَ شہری آنی بنیاتی جمہوری ھک ءَ را ادارگ آنی نیمگ ءَ چہ اھوالکاری ءِ پھجاری ءُ مٹ کنگ ءِ ھک ءِ منوگری ءَ کنت۔ اے سال ءَ زانتکاری ءِ جھان ءِ روچ ”ڈیجیٹل ءِ دور ءَ زانتکاری ءِ جان سلامتی ءُ یکوئی ءِ رکھینگ: زانتکاری ءِ ردیں زانتکاری ءِ ھلاپ ءَ جنگ ءَ زانتکاری ءِ دسترس ءِ کرد“ ءِ سرھال ءِ چیر دستی ءَ برجم دارگ بوھگ ءَ اِنت۔ مزن وزیر ءَ گوشت کہ اے بنگپ ءَ چہ زانتکاری ءِ دستیابی ءِ دیم ءَ یک مزنیں جیڈھ ءِ سر ءَ بجا ءَ را پدر کنگ بوتگ ایشی ءِ تہ ءَ دروگیں ءُ گمراہ کنوکیں زانتکاری ءِ شنگ ءُ تالان ءُ ایشی ءَ چہ پیداکیں جیڈھ ھوار اَنت۔ آئی ءَ گوشت کہ ھال ءُ اھوال ءِ دست کپگ بنیاتی ھک اِنت ءُ شفاف، احتساب ءُ سرپدیں چاگرد ءِ بنیات اِنت۔ لس مھلوک ءَ را راستیں، وھد ءِ سر ءَ ءُ معتبریں ھال ءُ اھوال ءِ پھجارینگ نہ ایوک ءَ ریاستی ادارگ آنی ذمہ واری اِنت بلکیں شہری آناں سرپدیں پیسلہ کنگ ءُ راجی کار آنی تہ ءَ جوانیں کرد پیلو کنگ ءِ ھاترا ھم توانمند کنت۔ مزن وزیر ئَ گوشت کہ مرچیگیں ڈیجیٹل دور ئَ ٹیکنالوجی ءُ سوشل میڈیا ئَ چہ زانتکاری ءِ رسائی ئَ پیسر ئَ چہ گیش آسان کتگ۔ بلے بے تصدیقیں، گمراہ کنوکیں ءُ دروگیں ھالانی تیزی ءَ گوں شنگ ءُ تالان بوھگ یک مزنیں جیڑھے جوڑ بوتگ۔ مزن وزیر ءَ گوشت کہ دروگیں ءُ گمراہ کنوکیں ھال آنی شنگ ءُ تالان بوھگ ءَ چہ چاگرد ءَ بے یقینی پیداک کنگ ءِ ھوار الس ءِ بھروسہ ءَ را ھم تاوان رسیت۔ اے جاوراں زانتکاری ءِ رسگ ءِ حق چہ ایشی ءَ گیشتر ھژدری بوتگ۔ مزن وزیر ءَ گوشت کہ مستند ءُ معتبریں ھال ءُ اھوال ءِ وھد ءِ سر ءَ پجاری، شفافیت، فیکٹ چیکنگ ءُ ذمہ واریں رابطہ کاری ءِ وسیلگ ءَ انفارمیشن آشوب ءِ گوما جوانیں رنگ ءَ جنگ بوت کنت۔ مزن وزیر ءَ گوشت کہ پاکستان ءِ حکومت الس ءَ را راست ءُ مستندیں ھال پجارینگ، شفافیت ءِ دیمروئی ءُ ھال آنی دست ءَ کپگ ءِ ھک ءِ رکھینگ ءِ واستہ جزمیگ انت۔ ما نوکیں ٹیکنالوجی ءُ ڈیجیٹل وسیلگ آناں کارمرد کنان ءَ ریاستی ادارگ ءُ الس ءِ نیام ءَ موثر رابطہ ءَ را گیش مھکم کنگ ءِ واستہ گامگیج زورگ ءَ ایں ۔ مزن وزیر ءَ گوشت کہ زانتکاری ءِ رسائی ءِ جھان ءِ روچ ءِ اے موہ ءَ مارا یک ڈیجیٹل ءُ زانتکاری ءِ چاگرد ءِ جوڑ کنگ ءِ واستہ وتی جزم ءِ نوک کنگ لوٹ ایت کہ ایشی ءِ تہ ءَ ھمک شہری ءَ را راستیں، معتبر ءُ وھد ءِ سر ءَ زانتکاری ءِ آسراتی رس ایت ءُ دروگیں ءُ گمراہ کنوکیں زانتکاری آنی شنگ ءُ تالان بوھگ ءِ گر ءُ دار ءِ واستہ یکجائی ذمہ واری ءِ درشان کنگ لوٹ ایت۔ مزن وزیر ئَ گوشت کہ پاکستان ءِ آئین ءِ آرٹیکل (اے) 19 ئَ توامیں شہری آناں راجی ارزشت ءِ جیڈھ آنی ھوالگ ئَ سرپدی ءِ رسگ ءِ ضمانت داتگ۔ اے آئینی ضمانت ءَ را قانون سازی ءُ ادارہ جاتی بندوبست ءِ وسیلگ ءَ شہری آنی واستہ زانتکاری ءِ دسترس ءِ یک موثریں نظام ءِ تہا بدل کنگ بوتگ۔ مزن وزیر ءَ گوشت کہ پاکستان انفارمیشن کمیشن شہری آنی رسائی ءِ ھک ءَ را دل یکیمی کنگ ءِ واستہ یک فورم ءِ اِنت، ایشی ءِ تہ ءَ شہری آنی ھمگرنچیں شکایت آناں ھم گیواری کنگ بیت۔ سرکاری کارگس ءُ ادارگ آنی ریکارڈ ءِ رکھینگ ءُ آھانی دسترس ءَ را آسان کنگ ءِ واستہ ڈیجیٹلائزیشن ءِ عمل ھم جاری اِنت۔ مزن وزیر ءَ گوشت کہ من ءَ دل یکیمی اِنت کہ حکومت، میڈیا، سول سوسائٹی، وانگ ءُ زانگ ءِ ادارگ، ٹیکنالوجی ءِ کارندہ ءُ شہری یکجائی ءَ ھال ءُ اھوال ءِ جان سلامتی ءُ راستی ءِ رکھینگ ءُ یک سرپدیں، زمہ وار ءُ شُھازگیں چاگرد ءِ جوڑ کنگ ءَ وتی کرد ءَ پیلو کن اَنت۔