فتنہ الخوارج ءُ فتنہ ہندوستان ءِ بازیں پناہ گاہ تباہ کنگ بوتگ انت، 71 ناشرکار بیران بوتگ انت، سلاہ، گولہ بارود ءُ تراکناکیں چیز برآمد بوتگ انت، آئی ایس پی آر

راولپنڈی۔27ستمبر  (اے پی پی): اوگان طالبان ءِ سرکار گوں بھارت ءِ کمک ءُ سرپرستی ءَ پاکستان ءَ ناشرکاری ءِ کارانی تہ ءَ ھوار اِنت کہ ایشی ءِ سبب ءَ گران بھائیں جانی مدام تاوان بوھگ ءَ اِنت ءُ امن ءُ ایمنی ءَ را ھترہ ءِ آماچ کنگ ءَ اِنت۔ پاکستانی زانتکاریں ادارگاں کوئٹہ ءِ دمگ شبان ءَ فتنہ الخوارج ءُ فتنہ ہندوستان ءِ بازیں پناہ گاہ ءِ پجار کتگ کہ آ دمگی مہلوک ءِ ھاترا ھترہ ءِ دروشم ءَ بوتگ انت۔ پاک فوج ءِ پبلک ریلیشنز ڈیپارٹمنٹ ءِ نیمگ ءَ چہ جاڑی بوتگیں پریس ریلیز ءِ رد ءَ پاکستانی سیکورٹی فورسز ءَ 21ستمبر 2026ءَ زیارت ءُ کش ءُ گور ءِ دمگاں ناشرکار آنی ھلاپ ءَ ترندیں آپریشن بندات کتگ ءُ ایشی ءِ بنیات ءَ معتبریں انٹیلی جنس ءِ ھال آنی سر ءَ کار بندات کتگ۔ آپریشن شعبان ءِ وھد ءَ سیکورٹی فورسز ناشرکاراں گوں دیم پہ دیم بوتگ انت ءُ بازیں پناہ گاہ تباہ کتگ انت۔ شدیدیں تیرگواری ءِ تہ ءَ تاں انوگ ءَ 33 ھندی کمک ءِ ناشرکار بیران بوتگ اَنت ءُ سلاہ، گولہ بارود ءُ تراکناکیں سامان ھم برآمد کنگ بوتگ اَنت۔ آئی ایس پی آر ءِ رد ءَ گوستگیں 72 کلاک ءِ تہ ءَ آپریشن گیش کنگ بوتگ کہ ایشی ءِ آسر ءَ دگہ 23 ناشرکار بیران بوتگ اَنت۔ سیکورٹی فورسز ءَ مزنیں دمگے ءِ ھال ءُ اھوال کتگ ءُ دمگی آبادی چہ فتنہ الخوارج ءُ فتنہ ھندوستان ءِ ھترہ ءَ چہ رکینتگ۔ اے کلیئرنس آپریشن ھما وھد ءَ برجاہ بیت داں کہ ھترہ سرجم ءَ ھلاس نہ بیت۔ آئی ایس پی آر ءِ رد ءَ 25 ستمبر 2026 ءَ ضلع نوشکی ءَ دگہ انٹیلی جنس ءِ سر ءَ کارروائی ءِ تہ ءَ سیکورٹی فورسز ءَ ناشرکارانی یک پناہ گاہ ءِ سر ءَ جوانیں رنگے ءَ نشانگ جوڑ کتگ ءُ 11 ھندی کمک ءِ ناشرکار کش اِتگ اَنت۔ ھمے رنگ ءَ مند ءِ دمگ ءَ ھم سیکورٹی فورسز ءَ فتنہ الهند ءِ 6 ناشرکار سوبمندیں وڑے ءَ کشتگ ءُ مزنیں کساسے ءَ سلاہ ءُ گولہ بارود برآمد کتگ ۔ گوستگیں 96کلاک آنی تہ ءَ پاکستان ءِ لشکر ءِ آپریشن شبان ءُ بلوچستان ءِ دگہ دمگ آنی تہ ءَ برجاھیں آپریشن ءِ چیر دستی ءَ 71 ءَ چہ گیش ناشرکار بیران بوتگ اَنت ءُ ایشی ءَ چہ بھارت ءِ کمک ءَ اوگان آپریٹو آناں مزنیں تاوان رستگ۔ ناشرکاری ءِ ھلاپ ءَ گامگیج راجی ایکشن پلان ءِ بابت ءَ وفاقی اپیکس کمیٹی ءِ نیمگ ءَ منظور کتگیں ”استحکام ءِ ٹھینگ“ ءِ وژن ءِ چیر دستی ءَ سرجمیں جزم ءِ گوما برجاہ بیت۔ امنیت ءِ فورسز ءُ قانون ءِ نفاذ ءِ ادارہ چہ ملک ءَ درملکی سرپرستی ءُ حمایت کتگیں ناشرکاری ءِ ھلاسی ءِ ھاترا جزم انت۔