ایف سی نا گاڈی مچھ انا علاقہ گھیب اٹی پٹرولنگ آن پدی بننگ آ بارودی سرنگ اتون ڈوک لگا، جے سی او، چار ورنا و سویلین ڈیور شہید
منڈاٹی دہشت گرد آتون اسہ ایلو آ سم کاری ٹی پاک فوج انا سپاہی اس شہید مس، آئی ایس پی آر
راولپنڈی۔ 19 مئی (اے پی پی) بلوچستان اٹی دہشت گردی نا اِرا واقعہ غاتے ٹی پاک فوج انا 6 ورنا و سویلین ڈیور شہید مس۔ پاک فوج انا شعبہ تعلقات عامہ (آئی ایس پی آر) نا رداٹ تدوک آ نن ایف سی ورناتا گاڈی مچھ بلوچستان نا علاقہ گھیب آن ہڑدے ئی پٹرولنگ کرسا پدی بسکہ کہ بارودی سرنگ اتون ڈوک لگا ہراٹی جونیئر کمیشنڈ آفیسر، چار ورنا و سویلین ڈیور اس شہید مسر۔ شہید مروک آتے ٹی نائب صوبیدار احسان اللہ خان، نائیک زبیر خان، نائیک اعجاز احمد، نائیک مولابخش، نائیک نور محمدو سویلین ڈیور عبدالجبار اوار ءُ۔ اسہ پین واقعہ اسے ٹی مچھ بلوچستان نا علاقہ منڈ اٹی دہشت گرد آتون اسہ ایلو آ سم کاری ٹی پاک فوج انا ورنا سپاہی امداد علی شہید مس۔
