5جون آن 13 اگست قومی پارلیمانی تاریخ نا مرغن انگا سیشن ءِ بٹنگ انگ نا فیصلہ ءِ کننگانے
اسلام آباد۔ 19مئی (اے پی پی) وزیراعظم ناسلاہکار پارلیمانی امور ڈاکٹر بابر اعوان پارینے کہ قومی پارلیمانی تاریخ نا مرغن انگا سیشن ءِ بٹنگ انگ نا فیصلہ ءِ کننگانے ہرا 5 جون آن 13 اگست اسکان برجاسلک۔ سے شنبے نادے آ تینا ویڈیو بیان اٹی اوپارے کہ پارلیمانی سال انا دے تے پورو کننگ آئینی خواست ءِ۔ پارلیمنٹ نا دیوان ءِ بٹنگ انگ کن وزیراعظم عمران خان و اسپیکر قومی اسمبلی تون رابطہ مسنے۔ حکومت اسہ وار ولدا پارلیمنٹ نا دیوان ءِ بٹنگ نا فیصلہ ءِ کرینے۔ دیوان ءِ بٹنگ انگ کن سمری سے شنبے نادے آ صدر مملکت ءِ گدریفنگک، دیوان 5 جون آ شام انا چاربجہ غا بٹنگک۔ اوپارے کہ اپوزیشن تون ہاؤس بزنس ایڈوائزری کمیٹی ٹی ہم ہیت کینہ۔ پاکستان نا تاریخ نا غٹ آن مرغن میراتھن دیوان مریک ہرا 5 جون آن 13 اگست اسکان برجاسلک۔ ہنداوخت آ بجٹ بریک و کانودسازی مریک۔ دیوان اٹی اینٹی منی لانڈرنگ ایکٹ اٹ ترمیم نا باندات آہم سجفنگک ۔ دیوان ءِ بیرہ دے اسے کن آخا کاریم پورو کننگ کن ہم بٹنگ انگءِ۔ نظام اٹی ہچ وڑنا آئینی خلاء یا کوتاہی نا سوج ہی ودی مفک۔
