اسلام آباد ۔ 19 مئی (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ کورونا وائرس ءِ ھوپ ءِ رد ءَ جوانیں رھبند آنی رد ءَ در ملکی سرمایہ کار آناں تومیں استیں آسراتی پجاری کنگ ءِ پند ءُ شون کتگ۔ آئی ءَ اے گپ سئے شمبے ءِ روچ ءَ ادا سرمایہ کاری بورڈ ءِ چئیرمین عاطف آربخاری ءِ گوما یک دیوانے ءِ تہ ءَ کت انت۔ دیوان ءَ ملک ءِ دیمروئی ءِ واستہ جتگیں گام آنی تہ ءَ ترندی آرگ ءَ چہ گیش سرمایہ کاری ءُ سرمایہ کار آنی آسراتی دیگ ءِ ھوالگ ءَ کار آنی سر ءَ چار ءُ تپاسی دیوان ءِ برجم دارگ بوت۔ سرمایہ کاری بورڈ ءِ چیئرمین ءَ عبدالحفیظ شیخ ءِ گوما اے شوبگ آنی تہ ءَ سرمایہ کاری ءِ گیشیں اوست ءُ امیت آنی سر ءَ باست ءُ واست کت۔ دیوان ءَ کورونا وائرس ءِ ھوپ ءَ رد ءَ در ملکی سرمایہ کار آنی جیڈھ آنی سر ءَ چار ءُ بچار کنگ بوت۔

متعلقہ مضامینمصنف کی طرف سے مزید