احساس ایمرجنسی کیش پروگرام ءِ چیر دستی ءَ سرجمیں ملک ءَ کلی 104 ارب 91 کروڑ کلدار ءَ چہ گیش مردم آناں بھر ءُ بانگ کنگ بوتگ، ھاسیں کمکار ڈاکٹر ثانیہ نشتر ءِ بریفنگ

اسلام آباد ۔ 18 مئی (اے پی پی) گریبی ءِ ھلاسی ءِ بابت ءَ مزن وزیر ءِ ھاسیں کمکار ڈاکٹر ثانیہ نشتر ءَ گوشت کہ مزن وزیر عمران خان ءَ کرونا وائرس ءِ سبب ءَ بے روزگار بوھوکیں مردم آنی واستہ اسلام آباد ءَ احساس ایمرجنسی کیش پروگرام ءِ یک شل ءَ بنگیج کتگ، کرونا ریلیف فنڈ ءِ واستہ انوگ ءَ تاں سئے ارب کلدار ءَ چہ گیش زر جم کنگ بوتگ وھدیکہ 34 لکھ ءَ چہ گیش دزبندی احساس لیبر پورٹل ءِ چیر دستی ءَ جم بوتگ۔ اے گپ گریبی ءِ ھلاسی ءِ ھوالگ ءَ مزن وزیر ءِ ھاسیں کمکار ڈاکٹر ثانیہ نشتر ءَ مزن وزیر ءَ را یک برینفگ ءِ ساھت ءَ گوشت انت۔ آئی ءَ گوشت کہ مزن وزیر ءِ پنت ءُ شون ءِ پد ءَ حکومت یک کلدارے کمک کنگ ءِ مٹ ءَ چار کلدار فنڈ ءِ تہ ءَ ھوار کنت انت۔ ڈاکٹر ثانیہ نشتر ءَ گوشت کہ کورونا ریلیف فنڈ ءِ واستہ کمک آناں جوانیں رھبند آنی رد ءَ دست گرگ ءُ ھرچ کنگ بوھگ ءَ انت۔ آئی ءَ گوشت کہ پاکستان ءِ درستاں چہ مستریں کمکی پیکج احساس ایمرجنسی کیش پروگران ءِ چیر دستی ءَ سرجمیں ملک ءَ کلی 104 ارب 91 کروڑ کلدار ءَ چہ گیش 86 لکھ 19 ہزار ءَ چہ گیش مردم آناں بھر ءُ بانگ کنگ بوتگ۔ پنجاپ ءَ 45 ارب 1 کروڑ کلدار ءَ چہ گیش 37 لکھ مردم آناں بھر ءُ بانگ کنگ بوتگ۔ سندھ ءَ 32 ارب 48 کروڑ کلدار ءَ چہ گیش 26 لکھ 89 ہزار ءَ چہ مردم آناں بھر ءُ بانگ کنگ بوتگ۔ خیبر پختونخوا ءَ 19 ارب 84 کروڑ کلدار ءَ چہ گیش 16 لکھ 11 ہزار ءَ چہ گیش مردم آناں بھر ءُ بانگ کنگ بوتگ۔ بلوچستان ءَ 4 ارب 85 کروڑ ءَ چہ گیش 16 لکھ 11 ہزار مردم آناں بھر ءُ بانگ کنگ بوتگ۔ آزات جموں کشمیر ءَ 1 ارب، 60 کروڑ کلدار ءَ چہ گیش 1 لکھ 28 ہزار مردم آناں بھر ءُ بانگ کنگ بوتگ۔ گلگت بلتستان ءَ 71 کروڑ ءَ چہ گیش 66 ہزار مردم آناں بھر ءُ بانگ کنگ بوتگ۔ اسلام آباد ءَ 38 کروڑ ءَ چہ 31 ہزار مردم آناں بھر ءُ بانگ کنگ بوتگ کیٹیگری آنی رد ءَ بھر ءُ بانگ بوتگ زرّ آنی ھساب ءُ داد چو اے وڑ ءَ انت۔ احساس کفالت پروگرام ءِ کیٹیگری ون ءِ رد ءَ 54 ارب 86 کروڑ ءَ چہ گیش 44 لکھ ءَ چہ گیش مردم آناں بھر ءُ بانگ کنگ بوتگ۔ کیٹیگری ٹو ایس ایم ایس ءِ وسیلگ ءَ ھما مردم آنی نشان ءُ ٹک کنگ ءَ چہ پد بھر ءُ بانگ کتگ زّر 37 ارب 12 کروڑ ءَ چہ گیش 30 لکھ ءَ چہ گیش مردم آںاں بھر ءُ بانگ کنگ بوتگ۔ سیمی کیٹیگری ھما مردم کہ ضلعی انتظامی ءِ چیر دستی ءَ نشان دیگ بوھگ ءَ انت ۔ اے کیٹیگری ءَ 12 ارب 94 کروڑ ءَ چہ گیش 10 لکھ مردم آناں بھر ءُ بانگ کنگ بوتگ انت۔