اسلام آباد ۔ 18 مئی (اے پی پی) مزن وزیر عمران کان ءَ کورونا وائرس ءِ ھوپ ءِ سبب ءَ بے روزگاریں مردم آنی واستہ احساس ایمرجنسی کیش ءِ بھر ءُ بانگ ءِ کار ءِ بنگیج کت۔ مزن وزیر ءَ دو شمبے ءَ اے رد ءَ پاکستان سپورٹس کمپلکس ءَ استیں احساس کیش ءِ بھر ءُ بانگ ءِ جاھ ءَ تر ءُ تاب کت۔ اے موہ ءِ سر ءَ آماچیں مردم آناں ھمک مردم 12 ہزار کدلدار ایمرجنسی کیش کمک بھر ءُ بانگ کنگ ءِ واستہ یک مراگش ءِ بست ءُ بند کت۔ مزن وزیر عمران خان ءَ کورونا وائرس ءِ سبب ءَ بے روزگار بوھوکیں جتا جتائیں آماچیں مردم آنی جیڈھ آناں گوشداشت ءُ ایشانی گیواری ءِ دل یکیمی دات۔ اے موہ ءِ سر ءَ آماچیں مردم آناں ایمرجنسی کیش پروگرام ءِ وسیلگ ءَ مالی کمک پجاری کنگ ءِ پد ءَ مزن وزیر ءِ شگر ءُ منت گپت۔
