کوویڈَ۔ 19 کن صوبہ غاتے گڑاتا پنچ میکو کھیپ انا رداٹ سندھ و گلگت بلتستان ءِ گڑاتا ترسیل پورو مس، عئید آن مست غٹ صوبہ غاتے اسہ پین کھیپ اس جاری کننگک، ترجمان این ڈی ایم اے

اسلام آباد۔ 18 مئی (اے پی پی) کوویڈ۔ 19 کن صوبہ غاتے گڑاتا پنچ میکو کھیپ انا رداٹ سندھ و گلگت بلتستان ءِ گڑاتا ترسیل ءِ پورو کننگا۔ پنچ میکو کھیپ اٹ سندھ ءِ 2 ہزار 822 این۔ 95، 3 ہزار 136 ڈی۔ 95 و 48 ہزار 384کے این 95 ماسک وخت اس کہ گلگت بلتستان ءِ 441این۔ 95، 490ڈی۔ 95 و 7 ہزار 560 کے این 95 ماسک جاری کننگانے۔ ترجمان این ڈی ایم اے نا رداٹ سندھ ءِ 66ہزار 620 و گلگت بلتستان ءِ 10 ہزار 426 رکھی سوٹ گدریفنگا۔ سندھ ءِ 61 ہزار 600 و جی بی ءِ 9 ہزار 625 جوڑہ سرجیکل دستانہ تننگا۔ ہنداوڑ سندھ ءِ اسہ لکھ 12 ہزار و جی بی ءِ 17 ہزار500 میڈیکل ماسک گدریفنگا۔ ترجمان گدریفوک آ گڑاتا سرجم حوال آتے پارسا پارے کہ سندھ و گلگت بلتستان ءِ فیس شیلڈ، سرجیکل گاؤنزو کیپ، شوزکور، رکھی عینک و سینیٹائزر ہم گدریفنگانے۔ ترجمان نا رداٹ کے پی ، بلوچستان و آزاد کشمیر ءِ پنچ کھیپ مہالو آن گدریفنگانے۔ وخت اس کہ پنجاب ءِ پنچ می گڑاتا فراوانی برجاءِ۔ ترجمان مستی پارے کہ عئید آن مست غٹ صوبہ غاتے اسہ پین کھیپ اس جاری کننگک۔